Arquivo por etiquetas: Xulia Pisón

Catro fanzines en galego e un murciano

(∞ -1). Xulia Pisón.

XuliaPisonNeste fanzine recompílanse catro historias (incluída a Gañadora do Premio Xuventude Crea da Xunta de Galiza no 2015) nas que Xulia amosa o seu potencial creador. Cun estilo que cabalga entre o clasicismo europeo e o manga, Xulia é en opinión deste que asina, un dos máis firmes valores da Nova Banda Deseñada Galega.

Aquí falamos con ela deste fanzine.

Dorotea. Cristian F. Caruncho.

Dorotea-Cristian1Cristian é outra das realidades da Nova BDG aínda que é moi novo leva xa anos debuxando e autopublicando as súas historias. Un autor certamente interesante cun universo propio con fondas raíces na súa terra, Ortegal. A obra de Cristian bebe da realidade do rural galego en temáticas e personaxes cunha clara mensaxe a prol da vida no rural e do respecto á terra. Este Dorotea segue esas premisas para, nunha breve pero emotiva historia, achegarnos a realidade do rural do noso País cada vez máis esquecido e abandonado a súa sorte. Seguir lendo

Advertisements

As lecturas do SrB: Licor Café

Aquí en español.

13 grolos da Nova Banda Deseñada Galega

LK-metropoles-delirantesDende este verán o Licor café, amais da bebida nacional da nosa terra, é un libro de Banda Deseñada. Manel Cráneo, a mente inqueda que está detrás de Demo editorial é o artífice deste excelente libro que recomplila trece historias curtas doutros tantos autores e autoras da BD do País. Conta o propio Manel no limiar que a idea levaba anos no aire, mais foi finalmente Cristian Fojón, autor dun dos episodios, quen lle puxo un titulo e quen fixo de detonador desta explosión de arte e creatividade que agromou en forma de libro. Xulia Pisón é a coordinadora deste Licor Café, escolma da Nova BD galega que xa é un imprescindíbel da nosa cultura.

A selección de autores e autoras é ben acaida e representativa, con variedade nas propostas. Hai quen xa ten publicada obra longa e hai outros e outras que aínda se moven máis na escena dos fanzines. A edición é de boa calidade, con portada a cor a cargo de Jorge Peral e interior nun expresivo e esencial branco e negro.

Nesta obra colectiva, que usa como nexo común entre as distintas historias a famosa bebida, navegamos ao longo de máis de cen páxinas polas distintas visións, estilos e narrativas destes autores e autoras. Non é só un libro con historias interesantes senón que serve coma visión panorámica da variedade da nosa BD máis nova que nestes momentos é referencia, mesmo no estado, pola súa capacidade, calidade e independencia. Seguir lendo

Begoña García-Alén e Altar Mutante optan aos premios do 36 Saló de Barcelona

Altar-BegonhaBegoña García-Alén e o fancine Altar Mutante son a representación galega nos premios do 36 Saló Internacional do Cómic de Barcelona, están nomeados nas categorias de autora revelación e mellor fanzine.

A pontevedresa foi nomeada polo seu traballo Nuevas estructuras, publicado por Apa Apa Cómics. Por outra banda o fanzine, dirixido por Álvaro López e Luis Sendón conta con colaboradores ben coñecidos na BD do país como Manel Cráneo, Xulia Pisón, ou Debelius, entre outro moitos, mais tamén con artistas internacionais coma Christian Giuseppe ou André Coelho. A publicación xa conta con seis números publicados.

Os premiados coñeceranse mañá, 13 de abril.

Metrópoles Delirantes 80 – Licor Café – Manel Cráneo, Xulia Pisón e Dani Xove

LK-metropoles-delirantesAbrimos programa coas novas da BD a todo filispím. Nos imprescidíbeis o Sr B anota a triloxía galáctica de Leo. Embarcan nesta emisión Manel Craneo, Xulia Pisón e Dani Xove, cos que falaremos do Licor café, a antoloxía da nova BD galega que ven de editar Demo Editorial. E tamén dos proxectos desta heroica editora coruñesa comandada por Cráneo.

 

As músicas desta emisión son:

  • Novedades Carminha – El Vivo al Baile.
  • Afterlife – Ten Thousand Things.
  • The Ladybug Transistor – These Days in Flames.
  • Stefan Obermaier – This Vive.
  • Miguel Rios – Ahora que he vuelto.
  • Jens Lekman – To Known Your Mission

Breve escolma de autoras galegas

Na BD galega, por sorte, temos un bo número de autoras, é quixemos facer unha pequena escolma, por suposto que hai máis, pero agardamos que esta sexa a primeira de moitas, porque queremos ver como esta listaxe non para de medrar.

bella muerte-Metrópoles DelirantesEmma Ríos.

Cunha traxectoria impecable, é a nosa autora máis internacional. Despois de pasar por Marvel, comezou un proxecto persoal con Kelly Sue DeConnick que foi publicado en España pola editorial Astiberri co título de Bella Muerte. Amáis ven de poñer a andar unha revista de bd nos estados unidos con Brandon Graham chamada “Island”.

Mccactus-Metrópoles DelirantesXulia Pisón.

Ven de gañar o premio Xuventude Crea de cómic. Unha das autoras máis interesantes da longa nómina galega, o seu fancine McCactus é un éxito de vendas en cada festival de autoedición, sen dúbida un valor seguro da rica canteira Coruñesa, que xa traballa en obras máis longas que agardamos impacientes.

AnnaDedalus-Metrópoles DelirantesXulia Vicente.

Cun persoal estilo e unha traxectoria, aínda sendo moi nova, xa longa no fanzinismo. Xulia é unha das realidades máis sólidas da BD galega. Recentemente presentou o libro “El misterio de la mansión quemada”, feito con Miguel A. Giner Bou e Núria Tamarit. Publicou en importantes fanzines coma Sacoponcho, Nimio, Arrós negre. Gañou un feixe de premios entre eles o das  Xornadas de BD de Ourense 2013.

alicia-jaraba-ad-libutum-Metrópoles DelirantesAlicia Jaraba.

De de seguro que esta autora viguesa vainos dar horas e horas de bo cómic, non para de gañar premios de cómic, tanto no país coma no estado español, e de feito xa gañou varias veces o premio das Xornadas de Bd de Ourense. Ilustra libros para editoriales francesas e tamén está a preparar diversos proxectos de cómic.

 

Havarti_party-Metrópoles DelirantesRoberta Vázquez.

Publica en revistas e fanzines, a compostelana, é autora de Havarty Party, un libro excelente publicado por ese milagre editorial vigués que é Fosfatina. Roberta é un prodixio de productividade, publica en mil sitios e en mil fanzines, creadora dun personalísimo e surrealista universo habitado por animais antropomorfos.

 

taiga1-Metrópoles DelirantesCynthia Alfonso (Zynvaites).

Outra das autoras ás que debemos seguir ben pretiño. Integrante do colectivo Cabeza de corte aéreo e multipremiada tamén en distintos certames é habitual de distintos fanzines, entre eles os interesantísimos Nimio e Taiga.

 

JuliaHuete-Metrópoles DelirantesJulia Huete.

Esta Ourensana é outra autora do “movemento Fosfatina”, experimental e arriscada, as propostas de Julia son pura xenialidade. É deseñadora e artista plástica, traballa a autoedición, o cartelismo e o cómic dende a pintura.

 

VideoclubFZN-Metrópoles DelirantesInés Casarejos.

Si vedes un fanzine cun estrano formato, moi alongado e estreito, titulado “Videoclub”, é obra de Inés. Un “must” en calqueira bedeteca. Tamén ten colaborado en diversos fanzines, coma Hormigas o Ilustrísimas, e na web de Tik Tok.

Metrópoles Delirantes 42 – José Domingo

pablo_jane-Metrópoles DelirantesVoltamos pola Coruña e recuperamos nesta emisión o fanzineando para entrevistar a Xulia Pisón, unha das sorpresas que nos dou o Autobán e que ademais foi recentemente premiada no Certame Xuventude Crea. Nos imprescindibles do Sr B un cómic chegado dende Israel, La propiedad de Rutu Modan, gañadora do premio especial do xurado do ano pasado en Anguleme. Imos adentrarnos nos mundos de José Domingo, o autor de Pablo & Jane y la dimensión de los Monstruos que acaba de sair do prelo e que é un dos libros máis marabillosos do ano. E para rematar esta emisión, as novidades, inzadas de manga, que desta volta trae Toño dende Alita na Coruña.

http://www.ivoox.com/player_ej_9399104_2_1.html?data=mpimm5aUeI6ZmKiakpaJd6Kkkoqgo5iUcYarpJKfj4qbh46kjoqkpZKUcYarpJK6x9nWaaSnhqeg0tTQqdSfpcrZy9fFstXZ1JChlJKJe6Shrsrh1Iqnd4a2lNXczsrXb6XZzc7fw9PYqdShhpywj5U%3D&

As músicas do programa son:MD42-Metrópoles Delirantes

  • Boney M – Sunny.
  • Ray Barreto – The soul drummers.
  • Kula Shaker – Only love.
  • PMJ ft. Blake Lewis – Radioactive.
  • The Last Shadow Puppets – Meeting Place.