Arquivo por etiquetas: Vigo

No Tengo Mamá 2018

O festival No Tengo Mamá, de artes gráficas e musicais na súa vertente menos comercial chega á cuarta edición, celebrarase como cada ano na contorna do MARCO. Entre os obxectivos que se marcan nesta edición están os seguintes:

    • Crear un punto de encontro para que artistas e colectivos poidan difundir a súa obra e intercambiar experiencias.
    • Dinamizar a escena cultural da nosa cidade e que todas as persoas coñezan e conecten con outras formas de entender a arte e a cultura.
    • Qué sexa unha experiencia interesante e divertida.

 

As actividades que teñen preparadas este ano son:
(Todas as actividades son de balde). Seguir lendo

Advertisements

Convocatoria No Tengo Mamá 2018

NTMM18-metropoles-delirantes

Xa está aberta a convocatoria para o festival de autoedición de Vigo, o No tengo mamá. O festival cambia de datas e vaise celebrar os días 7 e 8 de setembro, nunha decisión ben acaida que evita a coincidencia co Autobán de Coruña. Ao mesmo tempo foi presentado o cartaz desta edición que é obra do artista Nacho García.

Inscríbete nesta inscripcion antes das 23:59 do día 15 de agosto. Os seleccionados daranse a coñecer o día 17 dese mismo mes.

Presentación en Vigo a Banda deseñada A caixa negra de Manuel Tudela

Este vindeiro xoves 5 de abril, ás 20:30, no Café De Catro a Catro de Vigo (rúa Girona 16). será presentada A caixa negra de Manuel Tudela, baseada na obra de Fernando Epelde Caixa negra. Esta BD  foi premiada no VI Certame Galego de Banda Deseñada sobre Teatro, organizado por erregueté.

O xurado integrado por Pepe Carreiro, ilustrador e deseñador de BD, Anxo Fariña, escritor e ilustrador e Vanesa Sotelo, dramaturga e directora da erregueté, destacou a “adecuación da imaxe á intensidade dramática da obra de Fernando Epelde e a condensación narrativa conseguida na proposta”. A obra publicada contou cunha axuda da Deputación de Pontevedra.

As obras gañadoras deste certame forman a colección Banda Deseñada sobre Teatro que está formada por:

  • Doentes de Roberto Vidal Bolaño – Brais Rodríguez.
  • Hamster de Santiago Cortegoso – Diego Campos.
  • Belicosario de Manuel Lourenzo – Juan Molina.
  • 2132 de Roberto Vidal Bolaño – Diego Blanco.
  • Imundação de Marta Freitas – Diego Blanco.

“Desde la sombra” exposición de ACO en Vigo

aco_metropoles-delirantesAté o vindeiro 23 de abril pódese visitar na galería de arte Lab-in unha escolma do traballo do debuxante vigués. Nesta exposición poderemos ver a evolución da súa técnica, e a capacidade de adaptación do autor para sacar o mellor de cada personaxe. ACO traballou para Marvel e DC Comics debuxando personaxes míticos destas editoriais coma Spiderman, Batman ou Wonder Woman.

Desde la sombra» pódese visitar até o 23 de abril de segunda a sexta de 11 a 14.30 e de 15.30 a 20 horas.

Boom! Film & Cómic 2016

Boom film cómic-Metrópoles DelirantesEste vindeiro fin de semana, os días 13, 14 e 15, na Estación Marítima, Mar de Vigo celebrase a segunda edición do Boom! Film&Cómic un festival adicado, á o que deron en chamar “a cultura pop”, cómics, cine, televisión, literatura ou videoxogos.

O sábado haberá duas interesantes mesas redondas nas que se falará de BD.

  • 17:00 horas –. A Banda Deseñada en Galicia con Jano, Kiko da Silva, Víctor Rivas, Miguel Porto, Cynthia Alfonso, Manuel Barreiro e Nieves Rodríguez.
  • 18:30 horas –. SuperHeroes. Vellas fórmulas, conceptos novos, con El Torres, Julián López, Daniel Estorach e David Braña.

O evento é de pago.

“No tengo mamá”, canto moderno, canto!!!

Notengomama_ni-Metrópoles DelirantesEste xoves andivemos polo “no tengo mamá”, o festival da autoedición de Vigo, para participar nunha interesante mesa redonda con Octavio Beares, Xaime Lis, Helena Exquis, Berto Fojo e Cibrán, o tema era a relación entre cómics e música. Na realidade penso que nos desviamos algo do tema inicial e a parola cobrou vida propia e foi evolucionando cara o fanzinismo, pasamos máis tanxencialmente pola música, foi unha tarde ben interesante na que saíron temas que darían para varios faladoiros e na que o público asistente participou moito, cousa que nos encantou.

Un dos temas que saíu nesta reunión foi o nulo apoio que o MARCO presta a este evento que o arrodea e medra a súa beira sen que dentro desa atalaia caduca se queiran enterar. Unha magoa.

no-tengo-mamá-Metrópoles DelirantesFoi un gusto pasa-la tarde nun evento que xa dende a entrada avisa do que vas atopar, cando atravesas o pórtico “DIY” entras nunha dimensión de modernidade e modernos, moito arte, ambiente cosmopolita e decibelios alborotados, un ecosistema que advirte que aquelo non é unha xuntanza de “autores de estatuas de rotonda”.

Coma si de unha metáfora se tratara, a creatividade xermola e pasa polo calexón que vai por detrás do Marco, así, pódese degustar un fervedoiro de fanzines, camisetas, música (en vivo ou en casete) serigrafías e un feixe de arte, artistas, e sobre todo xente coa que se pode falar, coa que tomar unha cervexa e ter conversas, escoitar bandas ao vivo e gozar dun ambiente de convivencia marabilloso.

Autoedición gráfica no mercadillo, cinematográfica no concurso de curtas e musical nos concertos, neste evento o arte póñeno os que traballan de costas a un circuíto oficial que cada vez máis, está a quedar illado na súa ínsula de directores xerais e de estruturas museísticas mortas do século pasado.

A xente de Fosfatina e Seara Records conseguiron argallar un minifestival que demostra que nas marxes é onde abrollan iniciativas culturais que son ben interesantes e fantasticamente acollidas polo público e polos participantes; sen axudas, sen políticos e glorificando o “Faino ti mesmo”.

No tengo mamá 2015

NTMM2015-Metrópoles Delirantes

Cartaz de Julia Huete

Aínda coa resaca do Autobán e o Viñetas e xa case estamos metidos no festival de artes visuais e autoedición No Tengo Mamá. A cita é do xoves 27 ó sábado 29 de agosto, ambos inclusive, na contorna da cafetería cultural Detrás Do Marco de Vigo (Rúa Londres, sn).

Esta será a segunda edición deste festival organizado por Seara Records, e haberá concertos, o un certamé de curtametraxes e videoclips de baixo orzamento, o SEARA.mov e mesas redondas proxecións, mercadiño e moitas actividades arredor da cultura e os diversos colectivos de creación artística, fanzines, casetes, vinilos, cómics, revistas, serigrafías, ilustracións, roupa customizada…