Arquivo por etiquetas: Premio Castelao de BD

Convocado o XI Premio de banda deseñada “Castelao”

Deputación Coruña-Metrópoles DelirantesMáis un ano a Deputación de Coruña convoca o seu premio de Banda deseñada, desta volta, e sorprendentemente, con menos prazo do habitual e introducindo unha nova cláusula que impide publicar a obra ata que o faga a propia institución.

Facemos unha escolma das bases:

  • Poderán participar todas as persoas, maiores de idade, de calquera nacionalidade, que non fosen premiados neste certame nos catro anos anteriores a éste, e que presenten obra escrita en lingua galega, inédita e non premiada.
  • As obras presentadas poderán ser escritas e debuxadas, cada unha delas, por un máximo de dúas persoas autoras (unha como guionista e outra como debuxante).
  • Establécese un premio único dotado con 6.500 €.
  • A Deputación, que publicará a obra premiada, reservarase os seus dereitos de edición durante un prazo de dezaoito meses, que se contará desde a data da concesión do premio, e entregará á persoa gañadora trinta exemplares da obra editada.
  • A autora, autor ou autores manterán os dereitos para a posible edición da obra en calquera outra lingua distinta á galega. Esta edición non poderá ser realizada, en ningún caso, con anterioridade á edición en lingua galega.
  • A temática das obras será libre, e poderá tratarse dunha historia única ou dun conxunto de historias.
  • O traballo será presentado por duplicado e en exemplares separados, numerados, grampados ou encadernados, da seguinte forma:• O libro terá que estar rematado, tanto en guión como en debuxo.• O formato deberá ser de mancha 26 x 19 cm, ou proporcional.
    • O tamaño dos orixinais: mínimo DIN A4 e máximo DIN A3.
    • A extensión mínima será de 48 páxinas.
    • Para a súa valoración enviaranse copias encadernadas en DIN A4 con calidade láser.
  • Cada obra será presentada baixo o sistema de plica.
  • O prazo de presentación de orixinais comezará o día seguinte (18/5/2016) ao da publicación desta convocatoria no BOP e rematará o día 30 xuño de 2016.
  • Os orixinais serán enviados á Deputación da Coruña, Avda. Porto da Coruña 2, 15006 A Coruña, indicando no sobre “XI Premio de banda deseñada “Castelao”.
  • A composición do xurado darase a coñecer, con anterioridade á súa reunión, no taboleiro e na páxina web da Deputación (www.dacoruna.gal), co fin de que se poidan interpor, se é o caso, os recursos legais pertinentes.
  • O xurado poderá declarar deserto o premio.
  • A decisión do xurado, que terá lugar no segundo semestre de 2016, será dada a coñecer por medio do taboleiro de anuncios e da páxina web da Deputación.

As bases completas aquí.

Advertisements

Presentación dramatizada de “Atila”

CARTEL ATILA KOMIC-Metrópoles DelirantesA bd, un mundo sempre inquedo e creativo está a converter as presentacións de libros en actos artísticos por si mesmos, despois da presentación de Destino Hërgüss con concerto de Pülpikk Viaskköm e da performance de Kiko da Silva a pasada semana en Vigo, desta volta Demo Editorial e a Libraría Komic convocan este acto co que presentaran o cuarto número desta serie biográfica de Castelao.

O venres 15 de maio, a partir das 19:15 horas, celebraremos  a presentación de «Atila», cuarta entrega da Colección Castelao. Para a ocasión preparamos un evento moi especial, en Manso Restauranteun espazo máis amplo cá librería e máis axeitado para a representación dramatizada dalgún dos capítulos de Atila que teñen preparada os autores na compaña da actriz Teresa Rodríguez e o músico José Luís Dopico.  Despois haberá a habitual sesión de firmas.

Convírtese nun feito habitual presentar esta novidade como unha maneira de celebrar o Día das Letras Galegas, porque, agás Titoán (2012), premiado pola Deputación da Coruña, tanto O pobre tolo (2012) como Máis alá! (2013) saíron da imprenta nestas datas.

No Metrópoles Delirantes 31 tedes unha longa entrevista con Inacio o guionista da obra.

 

Metrópoles Delirantes 31 – Inacio

MD31-Metrópoles DelirantesVisítanos Inacio, o guionista da bd biográfica de Castelao que edita Demo Editorial e que vai xa pola cuarta entrega. O Sr B inscribe na lista de imprescindibles o Dublinés de Alfonso Zapico obra que gañou un premio nacional de cómic; e con Martín Romero parolamos sen presa do seu Episodios Lunares un libro bonito e ben editado. Coas novas da bd e as novidades que trae Javi da Libraría a Gata Tola completamos esta emisión.

Os temas que sonan no programa son:Castelao Episodios Lunares-Metrópoles Delirantes

  • Jimmy Cliff – The Harder They Come.
  • Nicolas Jaar – Keep Me There.
  • Cursi – Hoy, Hoy, Hoy.
  • Van Morrison – Rough God Goes Riding.
  • The Legendary Jim Ruiz Group – Last Time.
  • Rui Veloso – Top dos Tops.

http://www.ivoox.com/player_ej_4475766_2_1.html?data=lZmkl5yaeo6ZmKiakpaJd6Kkmoqgo5qUcYarpJKfj4qbh46kjoqkpZKUcYarpJK6x9nWaaSnhqeg0tTQqdSfpcrZy9fFstXZ1JCgk5KJe6Shrsrh1Iqnd4a2lNXczsrXb6XZzc7fw9PYqdShhpywj5U%3D&

A Deputación da Coruña convoca o X Premio de banda deseñada “Castelao”

Deputacion-Coruna-metropoles-delirantesA Deputación da Coruña convoca o X Premio de banda deseñada “Castelao”.

Eís un pequeno resumo das bases:

Poderán participar todas as persoas, maiores de idade, de calquera nacionalidade, que non fosen premiadas nas cinco edicións anteriores, e que presenten narracións en banda deseñada escritas en lingua galega, inéditas e non premiadas en ningún outro premio ou certame.

As obras presentadas poderán ser escritas e debuxadas, cada unha delas, por un máximo de dous autores (un como guionista e outro como debuxante).

O premio é de  6.500 €.

Seguir lendo

El infierno del dibujante de Kiko da Silva editado por Dibbuks

Infierno dibujanteKiko da Silva ven de  anunciar a publicación do cómic “El infierno del dibujante” có que o ano pasado gañou o premio Castelao de BD da Deputación da Coruña, vaino publicar Dibbuks como novidade para o Salón do cómic de Barcelona, ás librarías chegará a finais de Abril.

Nesta edición haberá textos de Miguelanxo Prado, Carlos Portela, Ángel De La Calle e Antoni Guiral Conti.

É unha magoa que a Deputación da Coruña máis de seis meses despois do fallo aínda “non tivera tempo” de editar a versión en galego.

Sinopse:

Manuel Pardo é un debuxante de 72 anos que leva toda a vida adicándose a crear historietas… pero a pesar da súa versatilidade e destreza co lapis, nunca foi quen de publicar ningunha. Cada vez que crea unha historieta descubre que alguén se lle adiantou e publicou unha semellante á súa. Pero o incansable Manuel seguirá tentando ser o máis rápido para lograr que lle publiquen algún dos seus cómics…

Formato: 24,5 cm x 32, 5 cm en Cartoné.

64 páxinas a cor.

Prezo: 16 euros.

Aquí un pequeño adianto.

Metrópoles Delirantes 19 – Fran Bueno

MD19Nesta décimo novena emisión, voltamos a falar de fanzines, con Cristian Fojón, un autor que vai dar moito que falar na bd. O Sr B celebra o 5 de novembro facendo imprescindible un cómic de Alan Moore e David Lloyd, V de Vendetta. Falamos co autor premiado co Premio Castelao de bd 2013, Fran Bueno, que veu para falarmos de “Catálogo Oneroso de Beleza Gratuíta”, unha bd preciosa que hai que ter, aínda que a Deputación da Coruña a edite un ano tarde, cunha pésima distribución e nula promoción, unha magoa. No final as novidades que desta vez e por causa maior trae o Sr B. Coma sempre con musica fermosa e ben animada.

http://www.ivoox.com/player_ej_3716186_2_1.html?data=lJyemJaceo6ZmKiakpaJd6Kkk4qgo5mbcYarpJKfj4qbh46ljoqkpZKUcYarpJK6x9nWaaSnhqeg0tTQqdSfpcrZy9fFstXZ1JCem5KJe6Shrsrh1Iqnd4a2lNXczsrXb6XZzc7fw9PYqdShhpywj5U%3D&

“A man do diaño” de Brais Rodríguez ó cinema

a man do diaño-Metrópoles Delirantes

Según anticipou Felipe no seu blogue Uruloki,  a obra de Brais Rodríguez “A man do diaño” vai ser levada ó cinema, e Jacobo Paz, coñecido guionista e dramaturgo galego xa traballa na adaptación. O libro foi publicado  por Demo Editorial en galego e por Astiberri en español.

Un grupo se soldados ten a misión de destruír aldeas e matar ós habitantes e fanno sen preguntar, só obedecen. Pero as cousas cambian cando un deles é ferido e comeza a reflexión sobre os seus actos e debe enfrontarse a súa conciencia.  A obra que foi gañadora do VI Premio de Banda Deseñada Castelao da Deputación da Coruña é unha ollada sobre a guerra,

Recensión en Quadriños e no blogue da Biblioteca do IES Antón Losada Diéguez da Estrada.

Dot Galicia fixolle esta entrevista a Brais Rodríguez.