Arquivo por etiquetas: No tengo mamá

No Tengo Mamá 2018

O festival No Tengo Mamá, de artes gráficas e musicais na súa vertente menos comercial chega á cuarta edición, celebrarase como cada ano na contorna do MARCO. Entre os obxectivos que se marcan nesta edición están os seguintes:

    • Crear un punto de encontro para que artistas e colectivos poidan difundir a súa obra e intercambiar experiencias.
    • Dinamizar a escena cultural da nosa cidade e que todas as persoas coñezan e conecten con outras formas de entender a arte e a cultura.
    • Qué sexa unha experiencia interesante e divertida.

 

As actividades que teñen preparadas este ano son:
(Todas as actividades son de balde). Seguir lendo

Advertisements

Convocatoria No Tengo Mamá 2018

NTMM18-metropoles-delirantes

Xa está aberta a convocatoria para o festival de autoedición de Vigo, o No tengo mamá. O festival cambia de datas e vaise celebrar os días 7 e 8 de setembro, nunha decisión ben acaida que evita a coincidencia co Autobán de Coruña. Ao mesmo tempo foi presentado o cartaz desta edición que é obra do artista Nacho García.

Inscríbete nesta inscripcion antes das 23:59 do día 15 de agosto. Os seleccionados daranse a coñecer o día 17 dese mismo mes.

“No tengo mamá”, canto moderno, canto!!!

Notengomama_ni-Metrópoles DelirantesEste xoves andivemos polo “no tengo mamá”, o festival da autoedición de Vigo, para participar nunha interesante mesa redonda con Octavio Beares, Xaime Lis, Helena Exquis, Berto Fojo e Cibrán, o tema era a relación entre cómics e música. Na realidade penso que nos desviamos algo do tema inicial e a parola cobrou vida propia e foi evolucionando cara o fanzinismo, pasamos máis tanxencialmente pola música, foi unha tarde ben interesante na que saíron temas que darían para varios faladoiros e na que o público asistente participou moito, cousa que nos encantou.

Un dos temas que saíu nesta reunión foi o nulo apoio que o MARCO presta a este evento que o arrodea e medra a súa beira sen que dentro desa atalaia caduca se queiran enterar. Unha magoa.

no-tengo-mamá-Metrópoles DelirantesFoi un gusto pasa-la tarde nun evento que xa dende a entrada avisa do que vas atopar, cando atravesas o pórtico “DIY” entras nunha dimensión de modernidade e modernos, moito arte, ambiente cosmopolita e decibelios alborotados, un ecosistema que advirte que aquelo non é unha xuntanza de “autores de estatuas de rotonda”.

Coma si de unha metáfora se tratara, a creatividade xermola e pasa polo calexón que vai por detrás do Marco, así, pódese degustar un fervedoiro de fanzines, camisetas, música (en vivo ou en casete) serigrafías e un feixe de arte, artistas, e sobre todo xente coa que se pode falar, coa que tomar unha cervexa e ter conversas, escoitar bandas ao vivo e gozar dun ambiente de convivencia marabilloso.

Autoedición gráfica no mercadillo, cinematográfica no concurso de curtas e musical nos concertos, neste evento o arte póñeno os que traballan de costas a un circuíto oficial que cada vez máis, está a quedar illado na súa ínsula de directores xerais e de estruturas museísticas mortas do século pasado.

A xente de Fosfatina e Seara Records conseguiron argallar un minifestival que demostra que nas marxes é onde abrollan iniciativas culturais que son ben interesantes e fantasticamente acollidas polo público e polos participantes; sen axudas, sen políticos e glorificando o “Faino ti mesmo”.

No tengo mamá 2015

NTMM2015-Metrópoles Delirantes

Cartaz de Julia Huete

Aínda coa resaca do Autobán e o Viñetas e xa case estamos metidos no festival de artes visuais e autoedición No Tengo Mamá. A cita é do xoves 27 ó sábado 29 de agosto, ambos inclusive, na contorna da cafetería cultural Detrás Do Marco de Vigo (Rúa Londres, sn).

Esta será a segunda edición deste festival organizado por Seara Records, e haberá concertos, o un certamé de curtametraxes e videoclips de baixo orzamento, o SEARA.mov e mesas redondas proxecións, mercadiño e moitas actividades arredor da cultura e os diversos colectivos de creación artística, fanzines, casetes, vinilos, cómics, revistas, serigrafías, ilustracións, roupa customizada…

Entrevista. No tengo mamá

Xa está en marcha o Festival “No tengo mamá”,  entrevistamos a José Nóvoa e Óscar Raña dous dos responsables de Seara Records, a organizadora deste evento.

Notengomama2-Metrópoles DelirantesPrimeira edición de “No tengo mamá” organizado por Seara Records, ¿Con que espiritu nace e cal é a sua finalidade?

Vai un pouco coa liña dos diferentes eventos que temos feito dende que comezamos con Seara Records; un espazo adicado a diferentes disciplinas artísticas onde participan colectivos, músicos e artistas que traballan de xeito independiente e autoxestionado. Neste caso, diferénciase dos anteriores festivais polo protagonismo que van ter os postos de autoedición, onde participaran artistas, sobre todo relacionados coa ilustración, de toda Galicia. Quizáis sexa o evento máis completo que fixemos até agora, e non é máis que un reflexo de cales son as nosas inquedanzas.

É un evento puntual ou nace con vocación de asentarse coma unha iniciativa sólida?

Como dicía antes, é unha transformación dos diferentes eventos anteriores. Cada evento ten as súas particulariedades en consonancia co momento no que nos atopamos, as cousas que aprendimos e os medios cos que contamos. Pode ser que nos próximos anos repitamos a experiencia, fagamos outras cousas de maior ou menor magnitude ou simplemente non fagamos nada. O único que sabemos é que pertencemos a este momento é queremos aportar algo. Seguir lendo

Programación e participantes no festival “No tengo mamá”

Notengomama-Metrópoles DelirantesA partires deste Xoves 28 e ata o sábado 30 vaise celebrar en Vigo o festival “No tengo mamá” que é un evento centrado na autoedición , con especial predilección por aquelas publicacións gráficas, obras audiovisuais e traballos musicais que escapan dos formatos e contidos habituais e existen unicamente grazas o interese, persistencia, e sobre todo, peto dos creadores.

Este evento pretende “citar neste sarao a colectivos e artistas que se adiquen dalgún xeito a estes menesteres e estean interesados en difundir os seus traballos e intercambiar experiencias e trato con outros individuos do mundiño”.

Seguir lendo

No tengo Mamá, festival de autoedición en Vigo

no_tengo_mama-Metrópoles Delirantes

Cartel de Óscar Raña

Os vindeiros días 28, 29 e 30 de agosto na cafetería cultural Detrás do Marco (Calle Londres, s/n Vigo) vaise celebrar o festival No tengo Mamá, un evento centrado na autoedición.

Este festival “nace con especial predilección polas publicacións gráficas, obras audiovisuais e traballos musicais que fuxen dos formatos e contidos habituais e que existen unicamente grazas ó interese, persistencia e o peto dos seus propios creadores”.

Fanzines, casetes, vinilos, banda deseñada, revistas, serigrafías, ilustracións, obras orixínais, roupa customizada… todo o que naza das mentes inquedas e das mans dos seus creadores ten un sitio neste evento.

Seguir lendo