Arquivo por etiquetas: Kike Benlloch

Catro fanzines en galego e un murciano

(∞ -1). Xulia Pisón.

XuliaPisonNeste fanzine recompílanse catro historias (incluída a Gañadora do Premio Xuventude Crea da Xunta de Galiza no 2015) nas que Xulia amosa o seu potencial creador. Cun estilo que cabalga entre o clasicismo europeo e o manga, Xulia é en opinión deste que asina, un dos máis firmes valores da Nova Banda Deseñada Galega.

Aquí falamos con ela deste fanzine.

Dorotea. Cristian F. Caruncho.

Dorotea-Cristian1Cristian é outra das realidades da Nova BDG aínda que é moi novo leva xa anos debuxando e autopublicando as súas historias. Un autor certamente interesante cun universo propio con fondas raíces na súa terra, Ortegal. A obra de Cristian bebe da realidade do rural galego en temáticas e personaxes cunha clara mensaxe a prol da vida no rural e do respecto á terra. Este Dorotea segue esas premisas para, nunha breve pero emotiva historia, achegarnos a realidade do rural do noso País cada vez máis esquecido e abandonado a súa sorte. Seguir lendo

Advertisements

Publicados Altar Mutante 7 e Amair

Altar mutante 7-metropoles-delirantesO fanzine de “horror putrefacto e ciencia ficción grasenta” publica o sétimo número e lanza a serie Amair.

Altar Mutante Comix é unha publicación que desde 2014 reúne historietas de fantasía e terror realizadas por un amplo elenco de creadores e creadoras internacionais. Esta publicación promovida desde A Coruña polo historietistas, ilustradores e deseñadores gráficos Álvaro López e Luis Sendón xa está asentada como unha das cabeceiras de referencia do xénero, optando o ano pasado ao premio ao mellor fanzine no Salón do Cómic de Barcelona.

Para este sétimo número Jagoba Lekuona deseñou  unha impactante portada que é o pano que abre unha serie de historias a cargo do plantel autoral estable de Altar Mutante, Kike Benlloch, Diego Blanco, Manel Cráneo, Debelius, Roberto Díez, Super C, Don Rogelio J., Álvaro López e Luis Sendón. A esta excelente nómina de autores súmanse nesta entrega novos valores de enorme proxección: Gaudino, Kike J. Diaz, Gairah Love, Dani Xove e o propio Jagoba.

A outra novidade do selo é Amair, unha colección de catro números na que Kike Benlloch como guionista e Luis Sendón no debuxo. En Amair, presentan un universo orixinal de fantasía, encadrado nunha vertente escura do xénero de espada e bruxería (Sword & Sorcery). Esta é a primeira banda deseñada en galego desta editorial coruñesa e acompañando este lanzamento podemos desfrutar dunha exposición de debuxos e deseños de producción que se poderá ver do 8 ao 31 de agosto no Bar 13 (rúa Orzán 13, A Coruña).

“Uxío Novoneyra, A voz herdada” consigueo de balde

uxionovoneyra-Metrópoles DelirantesAínda que non se publicita, podes conseguir o fabuloso libro Uxío Novoneyra, A voz herdada, debuxado por David Rubín e guionizado por Kike Benlloch de balde na libraría institucional da Xunta de Galiza.

O proceso é algo tedioso (mais non dificil) pois a páxina da libraría ten un sistema de pagamento que facilita pouco as cousas. Só hai que dar dous pasos, dar de alta unha conta de usuario e  pagar os gastos de envio. Podes facelo de forma telemática con tarxeta ou de forma presencial (facendo o ingreso nunha oficina e logo completando os datos na web).

PagoUxio Novoneyra-Metrópoles DelirantesO único que hai que pagar no caso deste libro son os gastos de envio, 2€ e unha comisión bancaria (como non) que no noso caso foi de 0,60€.

Este libro é unha obra moi singular e foi unha iniciativa vencellada ao Día das Letras Galegas do ano 2010 que foi adicado ao xenial poeta do Courel. Esta banda desenhada tivo un curto percorrido público e vive “secuestrado” no limbo dos almacéns das institucións, do que agora podemos rescatalo.

David Rubín escribía esto sobre o libro no seu blogue: “Kike e eu decidimos non centrar exclusivamente a obra na figura e obra de Novoneyra, senón que creamos como fío condutor do relato a un personaxe ficticio; Celestino, e contemplamos, ao longo da vida de Celes, dende a súa nenez nos anos 50 ata a súa vellez, neste 2010, a vida e a obra de Novoneyra. Mostramos ao poeta dende o punto de vista do lector, creamos unha historia ficticia pero emocionante para a través dela relatar a do poeta do Courel; real, viva.”

Entrevista de Edu Maroño aos autores.

Ligazón directa ao libro na Libraría Institucional.

 

Novidades galegas para o Viñetas – Autobán 2015

Xa queda menos dun mes para o Viñetas desde o Atlántico e o Autobán, ambas citas xa ineludibeis na axenda da bd galega. Nestas datas e coincidindo con estes eventos é xa tradición que se presenten moitas novidades.BTFMR-Cartel-Metrópoles Delirantes

A bd galega vai presentar obras ben interesantes: unha nova novela gráfica, Os que levan o lume, a cargo de Álvaro López e editada por Demo Ed; Cuimnhe, la deuda de Kike Benlloch, un historico ademais de prolifico autor da bd Galega; sendos números de Altar Mutante (o terceiro) e un número especial da dixital O Botafumeiro; unha delicatessen da audaz editora viguesa Fosfatina que presenta  unha obra de José JaJaJa, 1997 Hot Summer; o colectivo minhoco, responsabeis do fanzine Compota de Manatí que anuncia o segundo número da publicación; e a escola prrofesional de BD O Garaxe Hermético presentará o terceiro libro da Colección Cornelius, editado por Retranca Ed e que leva por titulo 221 BD. Seguir lendo

Concerto presentación de Altar Mutante nº2

cartelAM-Metrópoles DelirantesO segundo número de Altar Mutante está a punto de saír e desta volta queren montar unha boa xoldra para presentalo en sociedade. Así que si es un de eses ou desas que gozan dos tebeos “guarros” e a música insoportable (dino eles), o 21 de Marzo arrástrate ó I AKELARRE MUTANTE.

Dúas bandas vanse unir nesa noite para interpretar un concerto do melloriño. Nashgul ofrecerá un set Grindcore 4 anos despois de súa derradeira aparición na Coruña, tocando temas do seu vindeiro longa duración e repertorio máis antigo e Thee Heavy Random Tone Colour Lab ofrecerá un recital de clásicos do cinema de terror con toda a súa parafernalia de sintetizadores e electrónica en modo power trio.

Altar Mutante, nova revista de bd galega

Altar mutante-Metrópoles Delirantes

Ponse en marcha o Altar Mutante, unha nova revista de banda deseñada, iniciativa de Álvaro López e Luis Sendón que son os editores e coordinadores da revista. Xa traballaron xuntos en diversos proxectos coma o albúm editado por Demo editorial “Sálpock: o val dos cegos” e compartiron equipo co resto de membros de polaqia durante anos.

A revista estará según os propios editores estará adicada a “o horror máis putrefacto e a ciencia ficción máis grasenta”  Será presentada co gallo do Viñetas desde o atlántico e terá 56 páxinas en branco e negro con capa a cor.

Os autores participantes neste primeiro número son:

Kike Benlloch, Bougie, Sergio CoveloManel CráneoÁlvaro LópezPutridDon RogelioRoque RomeroJosep F. RicoLuis Sendón César Valladares y Pedro Villarejo.

Actualización 12:20, xa hai portada:

PORTADA DOBLE AM-Metrópoles Delirantes