Arquivo por etiquetas: Inés Casajeros

As lecturas do SrB: Conversación 

conversacion1Oscar Iglesias (Urbanoscar) e Ines Casarejos son dous autores ben coñecidos no mundo da autoedición galega. Ela publicou no 2015 un interesantísimo fanzine, de formato extraño, titulado Vídeo club y tienda de fotos no que relataba as súas vivencias traballando nun destes establecementos. El leva varios anos publicando o Pictodiario, un interesante diario de tiras autobiográficas.

Este verán veñen de publicar Conversaciones, un cómic editado polo selo do Sindicato do Cómic (que o deus Moebius colme de gloria a Simón e Ricardo polo traballo microeditorial que fan) no que desenvolven, a catro mans, un fanzine de conversas. Así de sinxelo e así de complexo. Seguir lendo

Advertisements

Metrópoles Delirantes 50 – Octavio Beares

Nieves Rodríguez-radio-Metrópoles Delirantes

Nieves Rodríguez. Foto: Marcus Fernández

Chegamos ás cincuenta emisións, grazas a todos os que nos acompañades dende hai dous anos por esta viaxe pola BD.

Volve ás metrópoles Octavio Beares, divulgador e crítico da bede, que é o comisario da exposición “De Castelao ao mañá, unha ollada ao cómic galego”, e cóntanos que poderemos ver nesta exposición que remata de inaugurar no Porriño, pero que percorrera parte do país. O Sr B retrocede no tempo ata á Arxentina de Mafalda, a nena filósofa de Quino, un personaxe que non perdeu actualidade a pesares de ter máis de 50 anos. Tamén veu ata as Metrópoles,  Inés Casarejos, autora de fanzines tan extraordinarios coma o videoclub e tienda de fotos, con ela daremos un paseo polos mares do fanzineando. Rematamos programa coa sección de novidades á que volta a o máis mutante dos libreiros galegos, Xaime Lis dende a a libraría Komic de Compostela.

Ines Casarejos:

As músicas que nos acompañan nesta emisión son:

  • Oasis – Roll with it.
  • George Gerswin – Rhapsody In Blue.
  • Leon Bridges – Coming Home.
  • The Beatles – Come Together.
  • Bambino – No me des guerra.

Breve escolma de autoras galegas

Na BD galega, por sorte, temos un bo número de autoras, é quixemos facer unha pequena escolma, por suposto que hai máis, pero agardamos que esta sexa a primeira de moitas, porque queremos ver como esta listaxe non para de medrar.

bella muerte-Metrópoles DelirantesEmma Ríos.

Cunha traxectoria impecable, é a nosa autora máis internacional. Despois de pasar por Marvel, comezou un proxecto persoal con Kelly Sue DeConnick que foi publicado en España pola editorial Astiberri co título de Bella Muerte. Amáis ven de poñer a andar unha revista de bd nos estados unidos con Brandon Graham chamada “Island”.

Mccactus-Metrópoles DelirantesXulia Pisón.

Ven de gañar o premio Xuventude Crea de cómic. Unha das autoras máis interesantes da longa nómina galega, o seu fancine McCactus é un éxito de vendas en cada festival de autoedición, sen dúbida un valor seguro da rica canteira Coruñesa, que xa traballa en obras máis longas que agardamos impacientes.

AnnaDedalus-Metrópoles DelirantesXulia Vicente.

Cun persoal estilo e unha traxectoria, aínda sendo moi nova, xa longa no fanzinismo. Xulia é unha das realidades máis sólidas da BD galega. Recentemente presentou o libro “El misterio de la mansión quemada”, feito con Miguel A. Giner Bou e Núria Tamarit. Publicou en importantes fanzines coma Sacoponcho, Nimio, Arrós negre. Gañou un feixe de premios entre eles o das  Xornadas de BD de Ourense 2013.

alicia-jaraba-ad-libutum-Metrópoles DelirantesAlicia Jaraba.

De de seguro que esta autora viguesa vainos dar horas e horas de bo cómic, non para de gañar premios de cómic, tanto no país coma no estado español, e de feito xa gañou varias veces o premio das Xornadas de Bd de Ourense. Ilustra libros para editoriales francesas e tamén está a preparar diversos proxectos de cómic.

 

Havarti_party-Metrópoles DelirantesRoberta Vázquez.

Publica en revistas e fanzines, a compostelana, é autora de Havarty Party, un libro excelente publicado por ese milagre editorial vigués que é Fosfatina. Roberta é un prodixio de productividade, publica en mil sitios e en mil fanzines, creadora dun personalísimo e surrealista universo habitado por animais antropomorfos.

 

taiga1-Metrópoles DelirantesCynthia Alfonso (Zynvaites).

Outra das autoras ás que debemos seguir ben pretiño. Integrante do colectivo Cabeza de corte aéreo e multipremiada tamén en distintos certames é habitual de distintos fanzines, entre eles os interesantísimos Nimio e Taiga.

 

JuliaHuete-Metrópoles DelirantesJulia Huete.

Esta Ourensana é outra autora do “movemento Fosfatina”, experimental e arriscada, as propostas de Julia son pura xenialidade. É deseñadora e artista plástica, traballa a autoedición, o cartelismo e o cómic dende a pintura.

 

VideoclubFZN-Metrópoles DelirantesInés Casarejos.

Si vedes un fanzine cun estrano formato, moi alongado e estreito, titulado “Videoclub”, é obra de Inés. Un “must” en calqueira bedeteca. Tamén ten colaborado en diversos fanzines, coma Hormigas o Ilustrísimas, e na web de Tik Tok.

Autobán, autoedición e bd de autor.

Comeza o Autobán, un festival de autoedición e bd de autor que promete deliciosos intres, haberá de todo, combate de debuxantes, charlas, mesas redondas e mercadiño de fanzines.Este é o programa de actividades:

VENRES 8 de agosto

En Old School (Rúa División Azul 8)

22:55 – Presentación de Autobán

Combate de dibujantes-Metrópoles Delirantes23:00 – Combate de debuxantes

Combate de debuxantes é unha actividade na que oito ilustradores mídense competindo ante o público, que decidirá quen é o merecedor do ansiado premio: o cinturón de campión e a bolsa do botín.

Nesta edición os participantes foron seleccionados polos finalistas da anterior, Ghosttthead e Xurxo G. Penalta.

Son BrandaKike J. DíazLuis YangPerrillaSanty GutiérrezSekoneXulia Vicente e Yago García.

David Rubín será o animador e mestre de cerimonias, e Roque Romero será o DJ, e axudando ós competidores no ring, teremos a Ghosttthead e Óscar Iglesias.
Seguir lendo