Arquivo por etiquetas: Demo editorial

As lecturas do SrB: O Tesouro de Lucio

“Ás veces a vontade dun só home pode facer tremer un imperio.”

Belatz, pseudonimo de Mikel Santos, asina con esta a primeira obra longa da súa carreira e abofé que o fai cunha obra interesante e ben resolta.

10_Lucio1O Tesouro de Lucio fai un percorrido pola vida e obra de Lucio Urtubia, revolucionario e loitador anarquista nado en Cascante (Nafarroa) no ano 1931, nunha familia republicana de humildes recursos. Na infancia, cortada polas baionetas da guerra civil, coñeceu e sofreu a dictadura represora que inzaba as gabias de mortos e fulminaba as esperanzas democráticas do pobo coa complicidade da franquía máis retrógrada, ignorante e inmisericordiosa da igrexa de Roma. A súa xuventude transcorreu nos anos duros do franquismo entre curas, falanxistas e señoritos na súa vila natal, até que marchou ao servizo militar no que foi descuberto facendo «expropiacións» do material militar. Fuxiu a Francia onde comezou unha vida de pai e traballador que compaxinou coa súa militancia e a súa loita anarquista e libertaria. Expropiou -é a expresión que el usa- bancos, distribueu propaganda, refuxiou a maquis e axudou a outros na loita anticapitalista. A presión policial e as continuas entradas e saídas da cadea non acobardaron a Lucio que dou o gran golpe da súa vida contra unha institución de vital importancia no sistema financeiro internacional da época. Lucio e os seus compañeiros deseñaron un sistema de cobro de cheques falsificados tan perfecto que o propio banco tremeu ante a importancia da acción. Seguir lendo

Advertisements

As lecturas do SrB: BDG70. A revolta do cómic galego

“Memoria gráfica da nosa Banda deseñada”

BDG70-metropoles-delirantes1Fai un par de anos, Xulio Carballo Dopico lía a súa exquisita tese doutoral, o traballo máis completo que existe sobre as orixes da banda deseñada galega aló polos anos setenta do século vinte. Un volume extenso, máis de seiscentas páxinas, que debullan polo miúdo parte da nosa historia. Reimundo Patiño, “Chichi” Campos, Xosé Díaz ou Xaquín Marín foron parte das figuras chave do amencer da nosa BD, as que Xulio reivindicaba co seu ímprobo traballo de investigación. Froito daquela tese naceu o proxecto expositivo BDG70. A revolta do cómic galego que foi inaugurado a finais de 2016 na sala Normal da Universidade da Coruña co gallo da conmemoración do aniversario da exposición de banda deseñada que no ano 1973 houbo nese mesmo espazo.

Este volume recolle os traballos que foron parte daqueles primeiros tempos da BD galega, que tivo que nacer necesariamente reivindicativa e popular, cunha fonda carga intelectual e usando un medio, a BD; e un idioma, o Galego; desprezados pola cultura máis elitista. Daquela, coma hoxe, a presión sobre a nosa terra, a nosa cultura e a nosa lingua era forte. A banda deseñada foi o vehículo perfecto para un grupo de artistas que precisaban xeitos novos de expresión, unha linguaxe nova para novas voces. Un movemento reivindicativo e valente nun momento arriscado. Aquela primeira exposición mesmo sufriu o ataque violento dun grupo da ultradereita. Seguir lendo

Catro bandas deseñadas galegas e unha portuguesa para ler este verán

Mas futvol por fabor. Leandro Barea.

mas futvol-metropoles-delirantesLeandro é, probablemente, un dos noso mellores humoristas gráficos, cun estilo propio e ben recoñecíbel de debuxo sinxelo e directo o emprego que fai das cores fai que a súa obra sexa impactante e teña unha iconicidade que poucos autores son quen de acadar. O humor de Leandro transita entre a reflexión intelectual e o absurdo máis histrionico e hilarante. Este libro é unha recompilación de 200 páxinas da súa obra.

Podes mercala aquí.

Seguir lendo

As lecturas do SrB: Licor Café

Aquí en español.

13 grolos da Nova Banda Deseñada Galega

LK-metropoles-delirantesDende este verán o Licor café, amais da bebida nacional da nosa terra, é un libro de Banda Deseñada. Manel Cráneo, a mente inqueda que está detrás de Demo editorial é o artífice deste excelente libro que recomplila trece historias curtas doutros tantos autores e autoras da BD do País. Conta o propio Manel no limiar que a idea levaba anos no aire, mais foi finalmente Cristian Fojón, autor dun dos episodios, quen lle puxo un titulo e quen fixo de detonador desta explosión de arte e creatividade que agromou en forma de libro. Xulia Pisón é a coordinadora deste Licor Café, escolma da Nova BD galega que xa é un imprescindíbel da nosa cultura.

A selección de autores e autoras é ben acaida e representativa, con variedade nas propostas. Hai quen xa ten publicada obra longa e hai outros e outras que aínda se moven máis na escena dos fanzines. A edición é de boa calidade, con portada a cor a cargo de Jorge Peral e interior nun expresivo e esencial branco e negro.

Nesta obra colectiva, que usa como nexo común entre as distintas historias a famosa bebida, navegamos ao longo de máis de cen páxinas polas distintas visións, estilos e narrativas destes autores e autoras. Non é só un libro con historias interesantes senón que serve coma visión panorámica da variedade da nosa BD máis nova que nestes momentos é referencia, mesmo no estado, pola súa capacidade, calidade e independencia. Seguir lendo

I Encontro de Banda Deseñada Histórica de Galiza

Encontro BD historica-Metropoles-delirantesO primeiro Encontro de Banda Deseñada Histórica de Galicia terá lugar do 6 ao 21 de abril, dentro dos actos que se celebraran no Arde Lucus. Nesta interesante proposta participarán algúns dos principais ilustradores de banda deseñada histórica de Galicia: Víctor Boullón, Tokio, Miguel Fernández, Tomás Guerrero, Pepe Carreiro e Manel Cráneo, coordinador artístico do evento. Este encontro nace da colaboración do  Concello de Lugo  o portal www.historiadegalicia.gal e Demo Editorial e estará dividido en dúas partes; unha didáctica e educativa e outra práctica.

A primeira fase realizarase no mes de abril con obradoiros teóricos e prácticos, a segunda  será na mesma festa do Arde Lucus, onde os seis ilustradores que participan neste evento debuxarán o Lucus histórico que recrearán as distintas entidades, asociacións e veciños. Seguir lendo

Metrópoles Delirantes 85 – Santy Gutiérrez

santy-gutierrez-2017-Metropoles-delirantes

Abrimos programa coas novas da BD a todo filispím. Xaime Lis volve cos seus andeis cósmicos a unha BD da infancia de moitos de nos, Johann e Pirluit. Con Santy Gutierrez falamos do libro que ven de editar coa editora coruñesa Demo, unha escolma do seu traballo no humor gráfico neste pasado ano 2017.

 

As músicas desta emisión son:

  • Bomba Estereo – Fuego.
  • Thelonious Monk – Pannonica.
  • Astrud Gilberto – Nao Bate O Corocao.
  • Lori Meyers – Condicional Hipotética.
  • Marc Almond – I Close My Eyes And Count To Ten.

Metrópoles Delirantes 82 – Santiago Paredes

Tatoo-metropole-delirantesAbrimos programa coas novas da BD a todo filispím. O Sr b pecha o circulo e anota no listado de imprescindíbeis El ala rota. No tempo da entrevistafalamos con Santiago Paredes autor de Tatoo, un homenaxe ao underground.

 

As músicas desta emisión son:

  • Arctic Monkeys – Certain Romance.
  • Camel – Curiosity.
  • The Black Keys – Weight of love.
  • Afterlife – Monkey Butter.
  • Glitter&Litter – Cheap Guitar.
  • Lynyrd Skynyrd – Free Bird.