Arquivo por etiquetas: Cómic

As lecturas do Sr B: La Ficción

Aquí en español.

La ficción 1-David Rubín-Metrópoles Delirantes“A ficción de Pires e a realidade de Rubín”

“La ficción” é a historia de catro amigos da infancia, que descobren unha misteriosa caixa de libros que cando os len en voz alta poden transportalos ata outros mundos. A diversión faise pesadelo cando un deles desaparece, o resto dos rapaces xura non contar nunca o que pasou. Anos despois, un daqueles nenos, xa adulto, desaparece e os dous que quedan mobilízanse para que non se repita a historia.

Esta é a segunda incursión de Rubín no mercado norteamericano, despois da excelente saga “Aurora West” con Paul Pope e JT Petty, e desta volta, faino cun descoñecido (en Europa) guionista, Curt Pires, que plantexa unha historia a cabalo entre o real é o fantástico con continuos saltos no tempo que serve de exiguo andamiaxe para que o galego arme un palacete coa súa arquitectura gráfica.

Esta obra publicouse en catro números en Norteamérica, o que coñecemos por grampas, mais en España a editorial Astiberri recompilou todo nun so tomo que amais trae como extras sendos textos dos autores (o de Pires algo falto de humildade) e o máis importante un feixe de páxinas a lapis no que Rubín amosa “os seus trucos” de “mago de nivel 20”.

La ficción 2-David Rubín-Metrópoles DelirantesHai debuxantes que teñen a capacidade dun cirurxán de garda en urxencias para sandar un libro, aplican con mestría e rápido diagnóstico os coñecementos que teñen para salvar ó doente, e de feito, cunha boa dose de vitaminas, ata conseguen non só que saia da cama senón que gañe unha maratón.

Quizaís nun intento de facer do lector parte activa da historia, o guión de La ficción é (para o noso entender) demasiado críptico, complexo, e por veces, desamañado; é aí precisamente, onde os lápises do noso compatriota, a modo de vitamina c, danlle un empurrón ao libro e aos lectores. Boas páxinas, ben debuxadas e sobre todo ben compostas, que facilitan o tránsito polos mundos oníricos e as veces terroríficos de La ficción.

Si dalgún autor de tebeos do país temos ganas de ver unha serie potente nos Estados Unidos é  do David, calquera que falara con el máis de dez minutos axiña se decataría non só do amor pola bedé que respira ese corpo, senón da extensa cultura comiqueira que ten. Antes que autor, evidentemente, foi lector. (O Heroe, a súa obra fetiche comeza cunha homenaxe a Jack Kirby).La ficción 3-David Rubín-Metrópoles Delirantes

A arte de David está nun momento magnífico, asentadas as súas propostas segue aprendendo, sorprendendo, mellorando na proposta formal, e sobre todo experimentando, cunhas composicións de páxina cada vez mellores, facendo peto de experiencia e manténdonos sempre á expectativa co seu traballo. E namentres agardamos por un novo libro estritamente persoal (como guionista e debuxante) este ano sairá o que está a facer con guión de Marcos Prior, Gran Hotel Abismo, unha obra comprometida que pensamos vai ser outro punto de inflexión na carreira deste galego que está chamado a ser (si non é xa) un dos grandes autores da bedé europea deste século.

Esta recensión foi publicada en marzo de 2016 na revista Tempos.

Advertisements

As lecturas do Sr B: Los Buenos Veranos

Aquí en español.

Los buenos veranos-Metrópoles DelirantesO título, xa deixa ben claro de que vai este libro e mesmo anticipa que naceu para ser unha serie. En España publícase agora o primeiro número, mais en Francia e Bélxica xa va saír do prelo o segundo. Nesta nova serie guionizada polo prolífico Zidrou e con debuxo de Lafebre, imos coñecer as vacacións, e só as vacacións,  dunha familia belga dos anos setenta, os Faldérault, cada libro será un ano distinto, e non necesariamente en orde cronolóxico.

Este primeiro número, titulado Rumbo al Sur, é puro Zidrou, unha historia con varios personaxes, cada un coa súa importancia, cada un coa súa batalla interna, todos necesarios nunha historia que se vai tecendo co pasar das páxinas, ata lograr que todo sexa unha unidade perfecta. O belga é quen de contarnos a historia sen caer nas evidencias, insinuando os problemas, as preocupacións, e constrúe os personaxes dun xeito tan preciso que axiña temos unha opinión formada do carácter de cada un deles.

O pai da familia é un debuxante sen moito éxito que sempre chega tarde ás entregas e que fai que toda a familia teña que agardar por el para comezar as vacacións, a nai é unha muller sobre pasada polas labores diarias na casa, no traballo e cos fillos, en plena crise existencial, e os cativos… pois iso, son cativos, xogos, pelexas, ilusións, ledicia, emoción.

E si Zidrou é o que lles pon alma, Lafebre é quen lles pon cara, e tamén o que fai visible a linguaxe oculta do guión, a historia que hai detrás da que lemos, porque xa sabemos que a cara é o espello da alma.

Lafebre fai un excepcional traballo neste libro, coma un fotógrafo é quen de crear e moldear a luz, cun debuxo máis definido que en La Mondaine, pero sen perder ese estilo tan persoal, e cunha cor que é un elemento narrativo máis, porque este libro amais dunha historia conta un momento que é feliz, as vacacións en familia, nunha época na que non existían as pantallas de vídeo para os coches, que carallo, non existía nin o aire acondicionado. Coches pequenos, incómodos, lentos, os nenos brincando sobreexcitados pola viaxe, as maletas que medran e engordan no pequeno intre que as despegas do chan para metelas no maleteiro do coche, os interminábeis quilómetros, a calor… Unha aventura que os Faldérault saben converter no máis divertido das vacacións, a viaxe.

Un libro que gustará especialmente aos que andan pola corentena, porque de seguro que lles lembrará a súa propia existencia nun relato ben contado, coa dose xusta de humor, costumismo, drama e sobre todo que deixa un moi bo corpo. Un cómic vitalista como o pai desta familia, cunha historia sólida como a nai e un grafismo tolo e divertido coma os fillos.

Amais, nesta época de novelas gráficas, na que o número de páxinas outorga un (irreal) plus de calidade, o formato álbum francés de medio cento de páxinas e tamaño grande paréceme un acerto.

Metrópoles Delirantes 52 – Jordi Lafebre

Jordi Lafebre-Metrópoles delirantesQuincuaxésimo segunda emisión das Metrópoles Delirantes que comezamos falando da actualidade da bd coas novas a todo filispín. O Sr B inscribe na lista de imprescindíbeis o Chapuzas de Amor de Jaime Hernández, unha obra que pecha o ciclo iniciado no 81 nas páxinas de Love & Rockets. Entrevistamos ao debuxante Jordi Lafebre, que presenta nova obra, Los buenos veranos que máis unha vez ten guión de Zidrou. As novidades chegan co libreiro gourmet, Melo, da libraría Banda deseñada de Vigo. Todo acompañado dunha estupenda selección musical.

http://www.ivoox.com/player_ej_11377414_2_1.html?data=kpagmZyYdZWhhpywj5WVaZS1kZWSlaaWe46ZmKialJKJe6ShkZKSmaiRdI6ZmKiar8rYtoa3lIqvldXTsMbnjKnSzs7Wpc_oxtiYl5eRaZi3jrLS1teJh5SZo5jd0dHJt4y4xtHW1MbSuMbnjoqkpZKU&

As músicas desta emisión son:

  • Saint Etienne – You’re In A Bad Way.
  • Beach House – Elegy to the Void.
  • The Criers – I´m yours.
  • The Shins – Saint Simon.
  • Ataque Escampe – San Marino.

As lecturas do Sr B: Neptuno

Aquí en español.

Neptuno-P0-Metrópoles DelirantesNeptuno é o típico cómic de aventuras do mercado franco belga, historias trepidantes ambientadas nun pasado fantástico e steampunk, no que o seu autor Jean-Yves Delitte, sabe sacar un bo rendemento dunha historia que está máis que inspirada na obra de Verne.

William Lake está a piques de terminar o proxecto ao que consagrou boa parte da súa vida e toda a súa fortuna, o Neptuno, un revolucionario submarino, mais a súa creba económica lévao a vender o navío a un inversor alemán de dubidosa ética. A partires de ese momento empezan as aventuras para William Lake, atopando cada vez máis dificultades que deberá sortear coa súa pericia coma navegante e coa axuda dunha tripulación sempre atenta ás súas ordes. Seguir lendo

Que sería da bd galega co apoio que merece?

Mañá comeza na capital Arxentina, Bos Aires, a cuadraxésimo segunda edición da feira do libro, na que terá protagonismo o libro e o sector editorial galegos, do 21 de abril ao 9 de maio de 2016. A representación galega inclúe 25 escritores do país.

A pesares de que a bd galega, pode fachendear de ter autoras e autores multipremiados, no estado e no estranxeiro, de ter un prestixio labrado a forza de traballo, dunha capacidade de convocatoria que supera cada ano e de cifras de vendas que amosan as claras que esta parte do libro non é menor, ningún autor, autora ou editora de banda deseñada galega estará en Bos Aires. Seguir lendo

Festival de BD de Beja 2016 (Datas e cartaz)

Cartaz XII Beja-Metrópoles DelirantesO Festival de BD de Beja 2016 realiza-se este ano entre os dias 27 de Maio e 12 de Junho, celebrando a sua 12ª edição.

Desta vez num novo formato, abraçando exclusivamente o Centro Histórico da cidade. O Festival inaugura no dia 27 de Maio, sexta-feira, às 21h00 horas, no Pax Julia – Teatro Municipal, o núcleo principal desta Festa da BD, e onde se centrarão boa parte das exposições e da programação paralela.

Nessa mesma noite (e na seguinte) só encerraremos às 3h30 da manhã, já que a programação será ocupada com os Concertos Desenhados no Largo do Museu Regional (mesmo ao lado do Pax Julia).

O primeiro fim-de-semana (27, 28 e 29 de Maio) será completamente preenchido com a apresentação de projetos, sessões de autógrafos, conversas, concertos desenhados, lançamento de livros, workshops, etc., e reunirá todos os autores representados nas 23 exposições patentes ao público.

Como não podia deixar de ser, o Festival também terá à disposição dos visitantes o Mercado do Livro (a maior livraria do país durante este período) e uma zona comercial com várias tendas instaladas (venda de action figures, arte original, jogos, posters, prints, etc.), no Largo do Museu Regional. E muitos espaços com refeições e petiscos! Em breve toda a informação estará disponível.”

Texto de Paulo Monteiro.

Facebook

Metrópoles Delirantes 51 – Marcello Quintanilha

tungsteno-portada-Metrópoles DelirantesVolven as revistas, chega Voltio a revista que coordinan Ana Oncina e Álex Giménez, e chega co respaldo de La cúpula. Falaremos con Ana e Álex desta nova proposta. O Sr B trae ó seu curruncho de imprescindíbeis o Vampir de Joann Sfar que na España editou primorosamente Fulgencio Pimentel. Marcello Quintanilha o autor do magnífico Tungsteno, premiado no último festival de Angouleme embarca connosco na dorna da bd para contarnos dos seus proxectos. Rematamos o programa con Javi, da libraría A gata tola de Compostela, que veu para contármonos das novidades máis interesantes e tamén para falar de libros con plastiquiños.

http://www.ivoox.com/player_ej_11205989_2_1.html?data=kpafkpqdfJqhhpywj5WVaZS1kZWSlaaVd46ZmKialJKJe6ShkZKSmaiRdI6ZmKiar8rYtoa3lIqvldXTsMbnjKnSzs7Wpc_oxtiYl5aRaZi3jrLS1teJh5SZo5jd0dHJt4y4xtHW1MbSuMbnjoqkpZKU&

As músicas deste programa son:

  • The Retrosettes Sister BAnd – You Got The Love.
  • Herbie Hancock – Oliloqui Valley.
  • Los Tamara – El Hombre Del Tiempo.
  • Eels – My Beloved Monster.
  • Undershakers – She´s Falling In Love With A Monster Man.
  • Jota – Una vez jure.