Arquivo por etiquetas: Álvaro Ortiz

A Arte no Cómic – Exposición

A arte no comic- metropoles-delirantesAté o 15 de abril pódese visitar na Sede Afundación de Santiago de Compostela «A Arte no Cómic», unha mostra de Fundación Telefónica, comisariada por Asier Mensuro que recolle reinterpretacións dalgunhas das obras máis emblemáticas da historia da arte a través dos cómics de 73 ilustradores e autores de prestixio.

A exposición estrutúrase en tres grandes ámbitos: o primeiro deles recolle a relación entre os grandes centros de arte e o cómic a través de obras da colección do Louvre ou do Museo de Orsay xunto á editorial Futuropolis, mostrando o traballo de autores tan recoñecidos como Catherine Meurisse, Manuele Fior, Enki Bilal ou David Prudhomme, así como a obra de Edmond Baudoin sobre Dalí, editada polo Centro Nacional de Arte e Cultura Georges Pompidou. Tamén se inclúen iniciativas dos centros de arte españois, coma os cómics de Miguel Ángel Martin, Álvaro Ortiz, David Sánchez e Santiago García, editados polo Museo Thyssen-Bornemisza e a editorial Astiberri. Seguir lendo

Advertisements

Metrópoles Delirantes 55 – Los Bravú

LosBravú-Metrópoles-DelirantesComezamos falando da actualidade coas novas da bd a todo filispím. O Sr B colle o coche e pon rumbo a ningures e comeza unha viaxe que remata inscribindo na lista de imprescindíbeis o Cenizas de Álvaro Ortiz. Visítannos de novo Los Bravú o dúo polo que nunca agochamos a nosa debilidade, Dea e Diego, viñeron para falarnos de Mujer! o seu novo libro-obra de arte. E no final da viaxe, Xaime Lis o libreiro mutante de Komic coas novidades.

http://www.ivoox.com/player_ej_11885664_2_1.html?data=kpalmpqaepWhhpywj5WVaZS1kZWSlaaUdY6ZmKialJKJe6ShkZKSmaiRdI6ZmKiar8rYtoa3lIqvldXTsMbnjKnSzs7Wpc_oxtiYl5qRaZi3jrLS1teJh5SZo5jd0dHJt4y4xtHW1MbSuMbnjoqkpZKU&

As músicas desta emisión son:

  • Die Antwoord – Baby’s On Fire.
  • Múm – The Land Between Solar Systems.
  • Canned  Heat – On The Road Again.
  • Pony Bravo – El Político Neoliberal.

As lecturas do Sr B: Rituales

Rituales-Metrópoles DelirantesAquí en español.

Álvaro Ortiz é un deses autores que semella dominar o seu traballo sen esforzo, cousa que por suposto non é tal. Dotado dun sentido da narrativa excepcional, é quen de contalas historias mais cotiás e o mesmo tempo as máis tolas sen perdelo ritmo, ou aínda de melloralas co excelente manexo dos tempos que amosa, ademais mestura nas súas historias un humor soterrado que ten moito que ver co británico, capaz de brincar do macabro ó hilarante nun par de cadriños, pero sen perder nunca ese rictus de sobriedade e sutil e fina ironía. Hai ademais unha serie de constantes nas súas obras que amosan como de disparatado, e por iso precisamente, tan real é o seu universo, gatos, crimes sádicos, sexo, retratos de Hitler, e por riba de todo, moita imaxinación.

Agora sae do prelo ó seu terceiro libro, Rituales, e amosa a constante evolución dun autor inquedo, que busca formas novas de contar historias e que non queda ancorado nun esquema fixo que xa sabe que funciona, ao contrario, nesta obra dalle unha volta e propón un universo de historias curtas que se moven entre as dúas e as dez páxinas de temática dispar, coas que salta do pasado ata o presente e do autobiográfico ao esotérico coa facilidade e mestría coa que un bo barman fai un Tom Collins.

As historias son completamente independentes, mais funcionan como unha sorte de pequenas crónicas da modernidade. O fracaso persoal e vital do escritor que emigra ata Escandinavia na procura da fama dos autores nórdicos, os novos tempos do cibersexo e o tele traballo como webcamer erótica, o debuxante de cómics na procura de documentación nun viaxe que remata en misterio, o piso compartido e os segredos dos veciños. Historias que son tan reais que poderían ser ata unha mera invención, paradoxos e misterios que teñen un elemento común e inquedante, un tótem cun gran falo.

Rituales2-Metrópoles DelirantesTodo este universo variado, estraño e enigmático cobra vida nas páxinas de Álvaro cun estilo de debuxo (aparentemente) moi “naif”, nada agresivo pero cun gran dominio de liñas, formas e movemento. Un debuxo aparentemente sinxelo que oculta na súa beleza formal unha complexidade que existe e que o autor demostra na capacidade sintética do seu trazo. Todo está aí, aínda que non o pareza.

Mención aparte hai que facer da cor, un elemento imprescindible e tamén ben característico do zaragozano, cores agradables e sabiamente combinadas que ademais de aportar unha luminosidade marabillosa ás páxinas, é o instrumento co que o autor, sabiamente, alixeira a carga macabra dos momentos máis sórdidos.Rituales3-Metrópoles Delirantes

Outra das características que máis destacan é a composición, as páxinas son coma un crebacabezas, fuxindo de inventos en diagonal ou experimentos estraños de dubidoso gusto. Fai o traballo minucioso dun arquitecto para compoñer páxinas complexas cun festín de cadriños nun alarde de perfeccionismo.

Álvaro Ortiz é un deses artistas cunha sólida proposta gráfica e argumental, ben recoñecible xa dende o seu primeiro libro, o excelente cenizas, que non deixa de medrar creativa e formalmente.

Esta recensión foi publicada en xaneiro de 2016 na revista Tempos.

Recomendacións de bd para o Apalpador (III)

The-Fiction-001-A-Main-Cover-metropoles-delirantesThe Fiction – David Rubín e Curt Pires.

Esta é a primeira serie propia do ourensán Rubín no país dos superherois, David pon aquí os seus lápises ó servizo da historia creada polo guionista Curt Pires.

The Fiction móvese entre mundos ficticios e o mundo real,  un grupo de catro cativos que ao ler libros no sobrado da casa, transpórtanse ata os mundos de ficción que len, ata que un deles desaparece. Quince anos despois, e sendo xa adulto, desaparece outro daqueles cativos cando reaparece un deses libros, os dous amigos que quedan tentarán buscalo, pero non serán as cousas tan sinxelas como parecen.

O libro ten unha estrutura narrativa non lineal aproveitando así tódalas posibilidades do medio para ir adiante e atrás no tempo e un debuxo no que o galego volve a amosar a súa habilidade para a narrativa gráfica, nunha historia que está feita a medida do seu estilo. Seguir lendo

Metrópoles Delirantes 43 – Álvaro Ortiz

Álvaro Ortiz-Metrópoles Delirantes

Foto: Banda deseñada, Vigo.

Embarcamos de novo conosco, na dorna das metrópoles, a un autor que devocionamos moito e que está no noso pórtico da gloria con outros santiños da bd, Álvaro Ortiz, co que falamos do seu último libro, Rituales (Astiberri), e de moitas cousas máis. Nos imprescindibles o Sr B volve a súa adorada bd francobelga para facer imprescindible un libro que mestura política e bd, humor e ironía e no que non sabemos ben que parte é real e cal ficción, Quay d´Orsay. E no final desta viaxe pola bd remataremos coas novidades que trae Xaime dende a libraría Komic en Compostela.

http://www.ivoox.com/player_ej_9544324_2_1.html?data=mpqhlpiWeI6ZmKiakpaJd6KkkYqgo5iacYarpJKfj4qbh46kjoqkpZKUcYarpJK6x9nWaaSnhqeg0tTQqdSfpcrZy9fFstXZ1JChlZKJe6Shrsrh1Iqnd4a2lNXczsrXb6XZzc7fw9PYqdShhpywj5U%3D&

A música deste programa é:Rituales-Metrópoles Delirantes

  • Tom Zé & Valdez – Jimmy, Renda-se.
  • Mogwai – Remurdered.
  • Beach House – All Your Yeahs.
  • Emmanuelle Seigner – Dingue.
  • Matia Bazar – Solo tu.

Xira galega de Álvaro Ortiz

O xenial autor de Cenizas e Murderabilia, estará na Galiza na semana do 24 ó 28 de novembro para presentar o seu novo libro, Rituales que está editado coma os anteriores por Astiberri.

Xira-Rituales-metropoles-delirantes

Metrópoles Delirantes 22 – Álvaro Ortiz

Lujo, calma y voluptuosidad-Metrópoles DelirantesDerradeira gravación do ano das Metrópoles que voltarán ó 12 de xaneiro, mais para compensar fixemos unha edición especial algo máis longa do habitual. Comezamos coas novas da bd a todo filispín e coa entrevista a Los Bravú, Dea e Diego, que marchan para Anguleme a rematar o Portolouro, entre outros proxectos, falamos e rimos a cachón. O imprescindible do Sr B é o “Píldoras azules” de Frederik Peeters, un libro que é pura sensibilidade e que aínda sen pretendelo axita conciencias. Tamén nos visitou Álvaro Ortíz para falar de Murderabilia, o seu novo libro que ven de editar Astiberri, e aproveitamos para falar de máis cousas, de gatos, de buscadores de internet e ata de pintores italianos. Rematamos coas novidades e no final Javi de A Gata Tola e o Sr B recomendan algún dos libros que máis lles aquelaron deste ano.

http://www.ivoox.com/player_ej_3884278_2_1.html?data=lJ2llpebfI6ZmKiakpaJd6KlmIqgo5mccYarpJKfj4qbh46kjoqkpZKUcYarpJK6x9nWaaSnhqeg0tTQqdSfpcrZy9fFstXZ1JCflJKJe6Shrsrh1Iqnd4a2lNXczsrXb6XZzc7fw9PYqdShhpywj5U%3D&