Little neno descobre a David Bowie | Dani LLabrés e Jaime Pantoja

• Título: Little Neno descobre a David Bowie.
• Autor: Dani Llabrés e Jaime Pantoja.
• Editorial: A Reixa Editorial.
• Lugar: Santiago de Compostela.
• Ano de edición: 2022.
• Número de páxinas: 32.
• Prezo: 15€.

Dentro do labirinto

Un ano despois da primeira incursión de A Reixa no panorama dos libros infantís publica a terceira entrega desta colección na que o pequeno cativo soñador vai descubrindo artistas senlleiros da historia da música.

Dani Llabrés e Jaime Pantoja, coa  excelente tradución ao galego de Valeria Pereiras, guían a través dos textos e os deseños ao pequeno Neno polos mundos oníricos, cambiantes e sempre fantásticos do Gran Duque Branco, do camaleónico e multifacético, David Bowie. 

Advertisement

Little Neno descobre os Beatles/Rolling | Llabrés e Pantoja.

Sempre suceden cousas moi estrañas. Pero estrañas de verdade

Hai apenas un mes nacía en Compostela a editora A Reixa e o nacemento dunha editora de libros en galego sempre, sempre, é unha boa nova neste país noso tan necesitado de infraestrutura cultural propia. A editora chegaba a este mundo –case– pospandémico facendo bo aquel refrán tan de noso “se non queres caldo, dúas cuncas”. Comezou publicando non unha senón dúas obras a un tempo: Little Neno descubre os Beatles e Little Neno descubre os Rolling Stones. A encargada da tradución ao galego do universo deste melómano cativo creado por Dani Llabrés e Jaime Pantoja é a Valeria Pereiras.

A premisa dos libros é que cando Little Neno queda durmido, é transportado, xunto co seu oso Renato, ao universo dunha banda de música e coñece os seus integrantes e as súas cancións.

Estes libros de Little Neno son unha oportunidade fantástica de achegar bandas tan senlleiras do pop mundial como son os Beatles e os Rolling á rapazada, e non só, en realidade son álbums que se gozan en familia. Quen non imitou os guitarrazos provocadores, quinquis e elegantes de Richards fronte ao espello, ou quen non sabe de memoria os versos do submarino amarelo ou ese coñecido retrouso do (I can´t get no) Satisfaction. E xa postos, que mellor idea que montar un concerto no salón da casa cos fillos e fillas, que pode ser máis divertido para un sábado de dioivo e frío.