Autobom

Autoban_gif-Metrópoles DelirantesOs organizadores do exitoso Autobán non paran de traballar e así os vindeiros venres 20 e sábado 21 de febreiro, celebrarase o Autobom, a versión invernal do evento de autoedición coruñes. Será un evento máis enfocado aos fanzineiros, e non tanto ao público xeral. Hai varias actividades programadas, algunhas son presenciais e outras non. As presenciais serán en THE ROOM.

VENRES 20 de febreiro.

De 18 a 21 h. – Autolab.

O venres pola tarde haberá unha serie de exercicios de estilo coa axuda da xente de LabOu. Son exercicios divertidos que permiten facer un cómic entre varias persoas dunha forma rápida, amena e colaborativa, a idea é facer durante a fin de semana un fanzine (o Autozine), cun contido que veña do cómic común que se faga ese venres pola tarde e coas colaboracións vía e-mail. A data límite para enviar o teu cómic para o Autozine é o venres 20 ata as 20 horas.

Seguir lendo

Advertisements

Premios da Asociación de autores de cómic de España 2015

Asociación de autores de cómic de España, fixo públicos quenes son os premiados, nos premios que outorga cada ano, os premios entregaranse no Saló do Cómic de Barcelona.

-Premio a toda a carreira profesional.

José Ortiz (1932-2013).

-Premio á traxectoria profesional no ano 2014.

Jordi Bayarri.

-Premio á institución, empresa ou personalidade polo seu labor no apoio ó cómic español.

Juan Royo.

Scribd ofrece agora bd en subscrición

Scribd_comicA coñecida plataforma de ebooks, Scribd, ven de poñer en marcha o seu servizo de subscrición de banda deseñada dixital (só en inglés), o servizo xa está en funcionamento, e din que cunha librería de máis de 10.000 volumes de editoras coma Marvel (comezan cun 20% do catálogo), Boom! Studios, Dynamite, IDW/Top Shelf ou Valiant entre outras. Tamén están en conversacións para que DC Cómics estea neste servizo. O primeiro mes é de balde.

O catálogo inclúe clásicos e os últimos números de series actuais. Non hai límite a la cantidade de cómics que se poden ler. Hai unha aplicación de Scribd (dispoñíbel en iOS, Android e Kindle Fire).

O acceso a semellante oferta de títulos será cunha subscrición de 8,99 dólares mensuais e irán chegando novos títulos aproximadamente un mes despois da súa publicación en papel.

Vía: iO9 e 9to5Toys

6º encontro Tintinófilo

6 encontro tintín-Metrópoles Delirantes Coma tódolos anos polo mes de entroido os tintinófilos teñen un encontro en Madrid, organizado pola Asociación Mil Rayos, o encontro está adicado o libro Tintín no Tibet e coma lema escolleuse “El Tíbet de Hergé”, será concretamente o día 21 de febreiro pola tarde na Fundación Carlos de Amberes (Rúa Claudio Coello, 99). Seguir lendo

Metrópoles Delirantes 25 – Mamen Moreu

resaca-mamen-moreu1-Metrópoles DelirantesVixésimo quinta emisión das Metrópoles, cumprimos un ano, e para celebralo falamos cunha muller de risa contaxiosa, que nos namorou en segundos; Mamen Moreu, a autora de Resaca, un divertidísimo libro no que conta a vida de Marcela, e con moito humor vainos colando unha aceda reflexión sobre o futuro dunha xeración. O Sr B volve a viaxar no tempo para aterrar na Barcelona de finais dos anos cincuenta, o imprescindible desta volta é El inverno del dibujante de Paco Roca.Nieves Rodríguez-Radio-Metrópoles Delirantes JotaToys é unha tenda online de merchandising e memorabília que fundou hai uns meses en Vigo, Jota de Juan, falamos de figuriñas e comercio online con él. Ao comando das novidades voltamos a ter a Xaime Lis, unha eminencia na bd ó que sempre é un gusto escoitar. Todo ben aderezado con tonadas ben ye-yés e un final escollido polo mesmísimo Sr B.

http://www.ivoox.com/player_ej_4056495_2_1.html?data=lZWimJmdeY6ZmKiakpaJd6Kkk4qgo5qdcYarpJKfj4qbh46kjoqkpZKUcYarpJK6x9nWaaSnhqeg0tTQqdSfpcrZy9fFstXZ1JCfl5KJe6Shrsrh1Iqnd4a2lNXczsrXb6XZzc7fw9PYqdShhpywj5U%3D&

A-Force, o equipo de Super Heroínas da Marvel

Aforce1-Metrópoles DelirantesNunha industria onde os comic-books adoitan xerar vendas de preto de 100.000 copias, os títulos de Marvel dirixidos ó público feminino están superando as expectativas. Thor No 1, a primeira aventura coa nova Thor femia , vendeu máis de 200.000 exemplares.

Marvel parece que aposta forte polo mercado feminino, despois de relanzar spiderwoman,  agora ven de crear un equipo de heroínas que se chamará ‘A-Force’, e que formará parte da serie ‘Secret Wars’. Esta nova serie sairá en maio e os encargados de darlle vida serán as guionistas G.W. Wilson (Ms. Marvel) e Marguerite Bennett (Angela: Asesino de Asgard) e o arte de Jorge Molina (X-Men).

A-Force estará formado por Hulka, Dazzler, Medusa, Nico Minoru, e un novo personaxe, Singularity que non é humana senón un ente cosmoloxico consciente de si mesmo.

A nova no Time.

Novo álbum de Astérix o 22 de Outubro de 2015.

Asterix_36-Metrópoles DelirantesOs irredutíbeis galos xa teñen data de volta ás librarías, despois do exitoso Astérix e os Pictos, editado en Galicia por Xerais, os personaxes creados por Goscinny e Uderzo estrearan nova aventura, que será a trixésimo sexta, o vindeiro 22 de Outubro.

Esta será a segunda aventura na que os guións e os pinceis estarán a cargo de Jean-Yves Ferri e Didier Conrad, que teñen a difícil tarefa de continuar con esta importante serie.

Astérix e os pictos, foi publicado el 22 de outubro de 2013. A primeira tirada francesa de dous millóns de exemplares na primeira semana, e vendeu en todo o mundo cinco millóns. Este álbum malia a ser excelente no debuxo no que Didier Conrad fai que non nos decatemos apenas do troco no lapis, non foi tan bo no guión, que defraudou sobre todo ós lectores máis esixentes.

Seguir lendo