Banda á feira, evento de BD no barrio do Calvario de Vigo

A Asociación de Veciños do Calvario organiza a primeira edición de Banda á Feira que se desenvolverá na zona peonil da rúa Urzáiz, na contorna do Mercado do Calvario.

O programa decorrerá os días 4 e 5 de xuño e inclúe a presencia de autores como Borja González (The black holes), Mayte Alvarado (La isla), Carles Dalmau (Planeta Manga) e Anabel Colazo (Encuentros cercanos, No mires atrás), así como diferentes autores locais. Estes convidados e convidadas desenvolverán encontros, palestras e obradoiros co público e farán parte dunha exposición colectiva nas rúas do barrio. Tamén haberá unha mostra sobre a obra creada por Miguel Porto e Fernando Llor para concienciar sobre el acoso escolar titulada Subnormal.

O sábado, día 4 de xuño, comezará o evento a partir de las 11.00 horas cun obradoiro de banda deseñada e a palestra de técnicas dixitais impartida por Carles Dalmau. Pola tarde, ás 18.00 horas, será o tempo do faladoiro con Anabel Colazo. O domingo 5 de xuño, está programada un coloquio con Mayte Alvarado e Borja González. Ambos días haberá sesións de asinaturas por parte destes autores e de autores locais (que a organización non especificou).

O cartaz desta primeira edición de Banda á Feira es unha magnífica obra Das Pastoras.

Advertisement

Ciclo de charlas sobre manga, anime, poesía e cultura xaponesa na Coruña

O manga non para de medrar en popularidade, cada ano supera as cifras de ventas e nas xeracións máis novas está plenamente integrado na súa dieta de ocio. Mais non só, o Manga e a cultura xaponesa en xeral é cada vez máis popular. Se es unha desas persoas que devece por todo o que ven do país oriental e vives na Coruña estás de noraboa.

Até o 29 de abril poderás participar neste ciclo de charlas no que se porá en valor a cultura xaponesa, a poesía, o turismo otaku e anime e en xeral todo o relativo co universo dos e das otakus. Tamén terá cabida nestas xornadas a, xa moi popular, cociña xaponesa. 

Estás son as vindeiras datas:

• Vernes 8 de Abril ás 18:00h: Turismo otaku (con Miguel Pazos, xéografo e profesor titular na Facultade de Xeografia de Santiago de Compostela) 
• Vernes 22  de Abril ás 18:00h: Cociña galega e xaponesa con Pablo Pizarro (cociñeiro de «Empanada Viajera». A súa charla xirará en torno ás similitudes entre a cociña galega e a xaponesa (Haberá cata de cociña ao terminar)
• Vernes 29 de Abril ás 18:00h.: Anime experimental (con David Pazos Otón, divulgador de manga e anime experimental)

As charlas son de balde e até completar a capacidade! Achégate ao Centro Ágora! (aula 9)

12º Encontro anual da asociación Tintinófila ¡Mil Rayos!

A asociación de tintinófilos de fala hispana, ¡MILRAYOS!, celebra o seu 12º encontro anual. No marco deste encontro entregará o premio “Tintinófilo del año” a Carlos Galilea, xornalista e locutor de radio.

O encontro deste ano, que terá lugar mañá sábado 12 de febreiro na sede da Fundación Carlos de Amberes en Madrid, desenvolverase baixo o lema “Cuando los dibujantes sueñan con América”, este título describe o fío condutor desta edición que xirará en torno á xeografía, as viaxes, a música e a aventura, temáticas que serám abordadas nos diversos actos que terán lugar durante a xornada, entre os que están unha exposición e distintas palestras. No encontro presentaranse dous libros recentemente publicados sobre a obra de Hergé.

I Simposio Tebeosfera de estudos sobre a Banda Deseñada

Cartaz de Sento LLobel

A Asociación Cultural Tebeosfera organiza este simposio co que «pretende iniciar un estudo panorámico da teoría sobre a historieta en España». O evento vaise celebrar da sexta feira 10 ao domingo 12 de nadal no Espacio Santa Clara en Sevilla. A asistencia será libre e de balde mais é preciso confirmar por mor das limitación de aforo no correo electrónico: acyt@tebeosfera.com

Este encontro artellarase sobre unha ducia de traballos sobre diferentes áreas que darán noutras tantas conferencias:

• Catalogación, por Manuel Barrero.
• Historiografía, por Antoni Guiral.
• Socioloxía, por Antonio Altarriba.
• Lingüistica, por José María Trabado.
• Narrativa, por Jesús Gisbert.
• Didáctica, polo equipo Unicómic, (Eduard Baile, José Rovira e Joan Miguel Rovira).
• Academia, por Julio A. Gracia.
• Divulgación, por Javier Alcázar.
• Hispanismo.
• Sátira, por Jaume Capdevila..
• Transmedia, por Kiko Sáez.
• Sectorial, por Álvaro Pons.
• Xénero, por Marika Vila.

Programa

Día da Ilustración

O Día da Ilustración celébrarase o vindeiro 30 de xaneiro, coincidindo aniversario do nacemento de Castelao. Ademais de lembrar e reivindicar o papel dos profesionais da ilustración na industria cultural, cada ano é homenaxeado un ilustrador histórico galego.

Neste ano o protagonista é o vigués Federico Ribas, grande innovador da publicidade, moi célebre no seu momento coas súas ilustracións para a empresa perfumeira Gal e para a conserveira Massó. Como parte da homenaxe, realizouse un pequeno vídeo de dous minutos cunha ollada á súa vida e obra. Ademais, a Biblioteca e Arquivo de Galicia inaugura hoxe unha mostra, titulada «Federico Ribas: As liñas da beleza», con obras, publicacións e outros documentos do ilustrador, que poderá visitarse até o 7 de marzo na sala de exposicións da biblioteca, no complexo do monte Gaiás.

III Festival da Arte da Ilustración “Allariz Debuxado”

Os días 25 e 26 de xaneiro, Allariz acollerá a terceira edición do Festival da Arte da Ilustración “Allariz Debuxado”. Esta iniciativa desenvolvida conxuntamente pola editorial Aira, a escola Antonio Faílde de Ourense e Pablo Picasso da Coruña será un foro de participación de ilustradores, tanto profesionais coma afeccionados e nela participarán máis de cen alumnos e alumnas das escolas galegas.

Na programación atopamos palestras con ilustradores de recoñecido prestixio no sector como Javier Olivares; Miguel Ángel Giner e Cristina Durán, que presentarán as súas bandas deseñadas “Tercer día” e “Una posibilidad”. Un encontro cos editores de Kalandraka, Manuela Rodríguez e Xose Ballesteros, ensinarán aos participantes como presentar traballos ás editoriais. E tamén unha exposición que acollerá a Galería circular durante a fin de semana con traballos galardoados no Premio Compostela promovido pola propia Kalandraka.

Comunicado da organización do FunFunFun

MiiC – Mostra Internacional de Ilustración Contemporánea

Do 4 de decembro até o 10 de marzo celebrarase a , unha exposición colectiva que reúne un total de 19 proxectos ilustrados a través dos que compoñer unha fotografía do panorama actual na ilustración a nivel mundial. Con gran presenza de mulleres como a galega Lara Lars, ou a andaluza María Hesse, ata artistas de talla internacional como Christoph Niemann.

A mostra abrirá o martes 4 de decembro ás 19.00 h. cunha visita guiada a cargo da comisaria Matilde Rodríguez.

Máis de 200 pezas compoñen a exposición que artella  arredor de 19 proxectos ilustrados, 16 individuais e 3 colectivos, que poñen o foco nas creacións máis persoais das e dos artistas que se manifestan a través dunha das ramas da comunicación máis libres e creativas.

Esta mostra resalta, ademais, o importante papel da ilustración feita en Galicia. Lara Lars, Iria do Castelo ou Bea Lema son algunhas das artistas galegas escollidas para esta edición.

15º Encontro Galego de Ilustración,

A Asociación Galega de Profesionais da Ilustración (AGPI) organiza o decimoquinto Encontro Galego de Ilustración, unhas xornadas con contidos e actividades de interese tanto para profesionais como para o público xeral. O groso das actividades decorrerá na Unitaria (o venres 28) e no Auditorio de Galicia (o sábado 29).

Nesta edición están convidados tres nomes de grande relevancia dentro do panorama actual da ilustración: Ana Galvañ, Juan Díaz-Faes e Miguel Gallardo.

Gropu, Gropu

Despois de tres anos de inactividade volven as Xornadas de Autoedición do Liceo Mutante, desta volta baixo o nome de GROPU GROPU.

A estrutura do evento é ben sinxela: mercado de fanzines, tebeos, láminas, camisolas…; un par de concertos xeitosos; rifa final con toques de humor e pode que algunha actividade sorpresa.