Arquivo da categoría: Misc

As lecturas do SrB: !Salud!

09_salud“…pola túa vida, non fales nunca de política…”

Antoine e Iria, un matrimonio formado por un francés e unha coruñesa deciden asentarse na cidade de cristal e abren un restaurante coa axuda da acomodada familia dela, ben relacionada. A ambición, o exotismo e a finura presuposta a alguén chegado das afastadas terras de Victor Hugo e Astérix no tempo da autarquía tardo-franquista aseguran o éxito do restaurante que comeza a funcionar a toda máquina. Antoine sen embargo axiña descobre a violencia do réxime, tanto a explicita, dunha policía que reprime con brutalidade, coma a menos evidente, a do control social. A este contexto de violencia e falla de democracia hai que sumarlle a querenza de Antoine, como ben anticipa o título, polo alcol. O resultado deste cóctel levarao a el, e porén a Iría, a unha situación límite. Seguir lendo

Advertisements

XV Festival Internacional de Banda Desenhada de Beja

metropoles-delirantes-bedeteca_bejaO Festival Internacional de Banda Desenhada de Beja, organizado pelo município, realiza-se este ano entre os dias 31 de maio e 16 de junho e a organização ten divulgado já o nome das exposições e a lista dos autores que irão estar presentes na edição de 2019.

A organização promete divulgar em breve a programação paralela (apresentação de projetos, concertos desenhados, conferências, lançamentos, sessões de autógrafos, etc.). Seguir lendo

Convocada a primeira edición do premio Bruguera de BD

A editorial Bruguera, recentemente adquirida e convertida en selo pola transnacional Penguin Random House, convoca o I Premio Bruguera de cómic y de novela gráfica 2019.

Deitamos aquí unha escolma das bases:

  • Poderán optar ao premio tódolos autores que o desexen, de calquera nacionalidade ou procedencia, sempre que as obras que presenten se axusten ao concepto comunmente aceptado de Banda Deseñada e novela gráfica, estean escritas en castelán, sexan orixinais, rigorosamente inéditas e non teñan sido premiadas anteriormente en ningún outro concurso, nin correspondan a autores finados con anterioridade á presentación da obra a este Premio.
  • As obras tenrán unha extensión mínima de 90 páxinas e máxima de 240. Deberá enviarse un orixinal impreso, encadernado ou cosido, e copia dixital. O orixinal irá asinado con pseudónimo, sendo obrigatorio axuntar sobre pechado co nome e apelidos, enderezo e teléfono de contacto. 
  • O prazo de admisión de orixinais pecharase o 31 de maio de 2019. 
  • O fallo do Xurado será inapelábel e farase público a finais de xullo de 2019.
  • Entregarase un único Premio, dotado con 12.000 (doce mil) euros, dos que se detraerán os impostos.
  • A obra premiada será editada por Penguin Random House, no selo Bruguera e poderá ser comercializada en tódolos países do mundo.

As Bases completas aquí.

As lecturas do SrB: Arde Cuba

“Hasta la victoria… Siempre!”

Arde Cuba é a segunda novela gráfica de Agustín Ferrer Casas que recunca coa editora valenciana Grafito, coa que xa editara a interesante Cazador de sonrisas. Nesta obra a acción situase en plena revolución Cubana, cando un Errol Flynn xa en clara decadencia física e arruinado, decide viaxar até a illa para entrevistar a Fidel. Acompáñao, máis ou menos enganado, o fotógrafo Frank Spellman, que ao fin será o verdadeiro protagonista da historia. A través das vicisitudes e aventuras deste dúo na Cuba revolucionaria, onde a CIA, a Mafia e os barbudos de Fidel e o Che se mesturan e entrecruzan o autor fai un retrato do que puido ser aquel momento histórico nos estertores do réxime do ditador Batista no que eran moitos os actores que tomaban posición política e estratéxica nun mundo en rápido cambio.   Seguir lendo

As lecturas do SrB: Alternativo

“BD alternativa para calquera idade.”

Alternativo1Nun sistema literario tan feble coma o da banda deseñada galega sempre é unha boa nova o nacemento dunha editora. Aínda máis se esta se atreve a abrir o seu catálogo cunha banda deseñada especial tanto no contido coma no formato. Este é o caso de Alter-nativo, unha BD experimental de Jorge Campos. Digo experimental porque xunta dúas características pouco comúns: non ten texto e ten un formato pouco usual, máis que páxinas o que ten é unha moi longa, de seis metros con vinte e cinco centímetros. Un formato curioso que xa foi usado por autores tan coñecidos como Joe Sacco, que hai cinco anos publicaba The Great War: July 1, 1916: The First Day of the Battle of the Somme, que chegaba aos sete metros de papel. Seguir lendo

Autobán 2018

Autoban2018-metropoles-delirantesO venres e o sábado unha nova edición do Autobán reunirá a medio cento de creadoras e creadores que porán á venda as súas novidades no encontro. Ademais gozaremos de palestras, presentacións, edicións exclusivas, mostras e o célebre Combate de Debuxantes.

Esta festa da autoedición que se celebra na Coruña é xa un punto de referencia e unha cita inescusable para os amantes dos fanzines, do cómic independente e das novas xeracións de creadores e creadoras. Este ano asistirán nomes habituais no panorama galego, tanto mozos como sinaturas consagradas, e proxectos autoeditados chegados desde Madrid, Barcelona, Castela e Levante.

O Autobán 2018 celebrase o venres 10 e o sábado 11 de agosto, o primeiro día na Nave 1839, na coruñesa estación de ferrocarrís de San Cristovo e o sábado en varios locais da céntrica rúa do Orzán. As actividades son de todas de balde. Seguir lendo

Convocatoria No Tengo Mamá 2018

NTMM18-metropoles-delirantes

Xa está aberta a convocatoria para o festival de autoedición de Vigo, o No tengo mamá. O festival cambia de datas e vaise celebrar os días 7 e 8 de setembro, nunha decisión ben acaida que evita a coincidencia co Autobán de Coruña. Ao mesmo tempo foi presentado o cartaz desta edición que é obra do artista Nacho García.

Inscríbete nesta inscripcion antes das 23:59 do día 15 de agosto. Os seleccionados daranse a coñecer o día 17 dese mismo mes.