Gañadores dos Premios Eisner 2022

Estes son os premiados cos Premios Will Eisner da Industria do Cómic de 2022 revelados durante a gala celebrada onte na Comic-Con Internacional de San Diego.

O xurado deste ano estivo composto por:

• Bárbara Randall Keselautor (escritora e editora).
• Kim Munson (historiadora da arte).
• Aarón Trites (Libreiro).
• Rik Offenberger (escritor, editor e xornalista).
• jameson Rohrery (bibliotecario).
• Jessica Tseangquien (xornalista e historiadora).

O xurado tivo que escoller entre máis de 150 títulos de 65 editoras nomeadas. Os triufadores da noite foron a editora Fantagraphics con 4 premios (sobre todo grazas a Monstros de Barry Windsor Smith)

Advertisement

O Festival de Angouleme relanza o concurso #FIBDchallenge2023!

O certame decorrerá entre o 15 de xuño e o 9 de novembro de 2022 e poden participar artistas de banda deseñada maiores de 18 anos. O concurso exixe o uso de herramentas dixitais: vídeo, gifs, sons, animación, etc.

Identidade gráica do concurso de Pierre Cesca @pampa_junior, Gañador do #FIBDchallenge2022

Soy la Malinche de Alicia Jaraba nomeada para o premio Ouest-France/Quai des Bulles

Hai apenas unhas semanas anunciabamos que Soy la Malinche, a bd de Alicia Jaraba, fora seleccionada como candidata ao Premio das librerías en Francia, días despois foi escollida nos imprescindíbeis do verán pola Asociación de críticos e divulgadores de Francia ( ACBD). Agora volve a estar nomeada nun premio de bd no país veciño, desta volta está entre os dez traballos os que serán elixidos, o 8 de outubro en Saint-Malo (Francia), como gañador do premio Ouest-France á mellor banda deseñada no festival Quai des Bulles.

As dez obras seleccionadas para o premio

O goberno español escolle o 17 de marzo como “Día del Cómic y del Tebeo” e premia a Norma Editorial

O Consello de Ministros do goberno do Estado ven de acordar, logo da proposta do Ministerio de Cultura y Deporte, declarar o 17 de marzo “Día del Cómic y del Tebeo”, o propio ministro, Miquel Iceta, explicou que a data foi escollida porque foi na “que se iniciou a publicación de la revista TBO”.

Entre os obxectivos desta iniciativa está “visibilizar a industria a través de distintas actividades e dar un sentido unitario, chegando a todos os puntos da xeografía española, a través da colaboración de todos os axentes, dos medios de comunicación, redes sociais, entidades privadas e sociedad civil”.

A proposta partiu da Asociación Sectorial del Cómic, que foi recollida na Proposición non de Lei de Recoñecemento e Dignificación do Sector da banda deseñada en España.

A estraña redundancia do nome escollido non pasou desapercibida nas redes sociais que fixeron a habitual chanza.

Día del cómic y del tebeo https://t.co/Z6gHxhB4Rc pic.twitter.com/0HZIaArdNe

— Amatriain (@amatriain) July 11, 2022

Uxía Larrosa, Luís Yang e Quico gañan o XVII Premio Castelao de BD

Onte facíanse públicos os e as gañadoras do XVII Premio Castelao de Banda Deseñada da Deputación da Coruña. ‘O bico da serea’ de Luis Yang e Uxía Larrosa na modalidade xeral namentras na modalidade LIX foi elixida a obra ‘Contando Estrelas’ de Francisco Pérez.

O xurado desta edición

‘O bico da serea’ narra a historia da relación entre unha rapaza pre-adolescente e unha serea, na se van entrelazando a vida cotiá e a rutina diaria con aspectos fantásticos e mitolóxicos. O xurado destacou da obra, o xurado salienta no seu informe “a poética e a gráfica” da proposta e indica que “o guión tamén toca diversas temáticas interesantes e con moita carga literaria que deleita os ollos e estimula a imaxinación”.

Na categoría LIX, a obra ‘Contando Estrelas’, está composta por relatos curtos protagonizados por estrelas que van tratando temáticas contemporáneas e comúns da sociedade actual como a soidade e a perda. O xurado menciona “a súa delicadeza e coidada ilustración”, así como o interese por “tratar temas cos que todas podemos sentirnos identificadas, a través das metáforas coas estrelas e por traballar con elementos do imaxinario colectivos”.

Nomeados aos Premios Eisner 2022

A Comic-Con anunciou os nomeados aos Premios Will Eisner da Industria do Cómic de 2022. Son 32 categorías nas que hai más de 150 títulos. DC Comics con 15 e Image Comics con 14 son as editoras con máis nomeados.

Os gañadores daránse a coñecer durante a Comic-Con Internacional de San Diego que se celebrará entre o 21 e o 24 de xullo.

Destacamos especialmente que ademais dos galegos Pablo Pereira e Silvia Santamarina  tamén están nomeados os portugueses Filipe Melo e Filipe Andrade e o arxentino Juan Cavia.

Unmasked de Pablo Pereira e Silvia Santamarina nomeado aos Eisner

Unmasked é unha historia de intriga dividida en 24 capítulos que segue as aventuras dun grupo de cinco persoas que esperta nun mundo devastado e cunhas máscaras cadeadas as súas faces con pechaduras irrompíbeis.Ninguén lembra como chegou alí, pero quedar de brazos cruzados significa unha morte segura. Todo está cuberto de néboa e os poucos edificios que aínda están en pé semellan ter sufrido un cataclismo. Cando aparece un primeiro monstro, comprenden que deben matalo para poder liberar os candeados das súas lembranzas…

Soy la Malinche de Alicia Jaraba nomeada para o premio das librerías de Angoulême

A Banda deseñada Celle qui parle da galega Alicia Jaraba, traducida a español como Soy la Malinche e editada por Nuevo Nueve, foi elixida polos libreiros franceses de Canal BD e será candidata ao Premio das librerías que se entregará en xaneiro de 2023 durante o Festival Internacional de Banda Deseñada de Angoulême.

René.e aux bois dormants elixido Grand Prix ACBD 2022

A Asociación de Críticos e xornalistas de Banda deseñada de Francia (ACBD) ven de premiar á obra René.e aux bois dormants de Elene Usdin, co Gran Premio 2022.

A obra conta como René busca o seu coello de peluche, que desapareceu misteriosamente. A busca levará ao pequeño a un mundo estraño e fermoso, onde comeza a cuestionarse cousas como a súa orixe ou o seu encaixe no mundo xa que non está cómodo en ningures.

Elene Usdin, a autora, é ilustradora e fotógrafa e esta obra é a primeira que publica e con ela fai unha reflexión de forma onírica e comprometida sobre o destino dos nenos e nenas aboríxenes arrebatados ás suás familias no Canadá na década dos 60.

O premio entregarase á autora o xoves 27 de xaneiro de 2022, no primeiro día do Festival Internacional da Babda Dseseñada de Anguleme

Os outros catro finalistas foron:

• Écoute, jolie Márcia, de Marcello Quintanilha.
• Le Grand Vide, de Léa Murawiec.
• Les Grands Cerfs, de Gaëtan Nocq, según Claudie Hunzinger.
• Jours de sable, de Aimée de Jongh.

Primavera para Madrid de Magius gaña o Premio Nacional (de España) de Cómic 2021

Magius, pseudónimo do murciano (Diego Corbalán Hernández) é o gañador do Premio Nacional (de España) de Cómic 2021, pola obra ‘Primavera para Madrid’. O premio é concedido polo Ministerio de Cultura y Deporte de España, está dotado con 20.000 euros e ten como obxectivo distinguir a mellor obra de BD publicada en calquiera das linguas oficiais do Estado.

O xurado elixiu esta obra “pola súa calidade formal e técnica, a valentía e riqueza da  proposta argumental e a aproximación, lírica e cirúrxica, cara a problemas coma a corrupción política e empresarial”, tamén destacou que “en ‘Primavera para Madrid’, ficción e realidade mestúranse a través de eventos e personaxes magnificamente construídos e hilvanados. Una obra en forma, fondo e edición, coherente, arriscada e, sobre todo, honesta”, Magius constrúe un thriller no que percorre a corrupción dos distintos poderes, incluídos o político, o mediático e o xudicial de España, como é habitual no autor os diálogos teñen unha pegada moi persoal.

Magius, nado en Murcia en 1981, é debuxante e guionista, participa activamente no eido dos fanzines e a autoedición e foi un dos impulsores do festival de autoedición Zorroclocos e Lobos.

Fonte