Arquivo da categoría: Novela Gráfica

Os mil mundos da ciencia ficción

Partimos a pé cara un planeta máis alá / porque estamos máis que namorados da vida e do que somos, escribiu o gran Ray Bradbury nun dos seus poemas sobre a obsesión do ser humano polo descoñecido. Esa fascinación sobre o que supera as nosas fronteiras (xa sexan planetarias ou temporais), as posibilidades da tecnoloxía e a infinita variedade de consecuencias para a sociedade forman parte das raizames da ciencia ficción, un xénero sen límites tamén na banda deseñada.

Se no ámbito literario Verne ou H.G. Wells sentaron as súas bases no XIX, as publicacións pulpsciencefiction01 de comezos do XX supuxeron un antes e un despois para a ilustración e os cómics desta temática. Revistas coma Amazing Stories —con portadas que sempre paga a pena revisitar pola súa modernidade— ou Planet Comics, amosaron os perigos de viaxes interplanetarias e futuros distópicos. Nesta última publicación tamén destaca a presenza de pioneiras coma Fran Hooper, debuxando a Mysta of the Moon, unha protagonista feminina con amplos coñecementos científicos e cun papel activo que non se limitaba a agardar polo heroe.

Viaxes espaciais entre xornais

A relación coa prensa (a través de tiras diarias ou páxinas dominicais) foi vital nos primeiros anos do cómic de ciencia ficción, con Flash Gordon coma o exemplo máis representativo do impacto que podían ter as viñetas xa nos anos trinta. Entre as historias que desbordan unha complexa imaxinería de planetas e culturas diversas sobresae o traballo de Alex Raymond. Aínda así foi a etapa de Dan Barry cando se afondou no contexto científico do cómic (axudado por escritores e guionistas que dominaban o xénero, fornecendo as tramas de maior credibilidade).

Esta estreita relación cos xornais está presente noutras obras como Garth —na que se introducen as viaxes no tempo e as implicacións morais de alterar o pasado— ou Jeff Hawke – onde destacou o elemento dramático e a psicoloxía das personaxes sobre a acción, que predominaba noutras publicacións contemporáneas—. Seguir lendo

Advertisements

Residencia de novela gráfica na Maison des Auteurs 2016-2017

Beca Angouleme2-Metrópoles DelirantesAcción Cultural Española (AC/E) e a Cité internationale de la bande dessinée et de l’image, coa colaboración do Institut Français de España, organizan unha residencia para un autor/a español de novela gráfica na Maison des Auteurs en Angoulême.

A residencia ten como obxectivo promover a creación no ámbito específico da novela gráfica. A persoa que resulte elixida gozará da residencia na Casa dos Autores (La Maison des Auteurs) de Angoulême (Francia). (entre decembro de 2016 e marzo de 2017).

A residencia inclúe.

  • Aloxamento nun piso de 3 habitacións a compartir con outro residente (dous dormitorios) no centro de Angoulême (electricidade, gas y agua por conta do residente).
  • Dispoñibilidade dun obradoiro (persoal ou colectivo) equipado de material de creación gráfica na Maison des Auteurs.
  • Un importe de 1.000 euros ao mes destinado a cubrir os gastos de manutención, transporte local, consumos de auga, gas e electricidade.
  • Billete de tren ou avión ida e volta en clase económica da cidade de residencia en España a París, así coma un billete de tren ida e volta de París a Angoulême. Datas de residencia de dicembro de 2016 a finais de marzo de 2017.
  • En ningún caso a estancia poderá ser fraccionada.

Seguir lendo

“Uxío Novoneyra, A voz herdada” consigueo de balde

uxionovoneyra-Metrópoles DelirantesAínda que non se publicita, podes conseguir o fabuloso libro Uxío Novoneyra, A voz herdada, debuxado por David Rubín e guionizado por Kike Benlloch de balde na libraría institucional da Xunta de Galiza.

O proceso é algo tedioso (mais non dificil) pois a páxina da libraría ten un sistema de pagamento que facilita pouco as cousas. Só hai que dar dous pasos, dar de alta unha conta de usuario e  pagar os gastos de envio. Podes facelo de forma telemática con tarxeta ou de forma presencial (facendo o ingreso nunha oficina e logo completando os datos na web).

PagoUxio Novoneyra-Metrópoles DelirantesO único que hai que pagar no caso deste libro son os gastos de envio, 2€ e unha comisión bancaria (como non) que no noso caso foi de 0,60€.

Este libro é unha obra moi singular e foi unha iniciativa vencellada ao Día das Letras Galegas do ano 2010 que foi adicado ao xenial poeta do Courel. Esta banda desenhada tivo un curto percorrido público e vive “secuestrado” no limbo dos almacéns das institucións, do que agora podemos rescatalo.

David Rubín escribía esto sobre o libro no seu blogue: “Kike e eu decidimos non centrar exclusivamente a obra na figura e obra de Novoneyra, senón que creamos como fío condutor do relato a un personaxe ficticio; Celestino, e contemplamos, ao longo da vida de Celes, dende a súa nenez nos anos 50 ata a súa vellez, neste 2010, a vida e a obra de Novoneyra. Mostramos ao poeta dende o punto de vista do lector, creamos unha historia ficticia pero emocionante para a través dela relatar a do poeta do Courel; real, viva.”

Entrevista de Edu Maroño aos autores.

Ligazón directa ao libro na Libraría Institucional.

 

Tres miradas sobre o mundo árabe

Nas Metrópoles gústanos viaxar a través da BD, achegándonos coas viñetas a outros contextos afastados do noso entorno cotiá. Un deses destinos é a complexa realidade do mundo árabe que, xa sexa pola distancia xeográfica, os conflitos armados ou as dificultades idiomáticas moitas veces só nos chega desvirtuado a través dos medios de comunicación. Mais dende comezos deste século diversos autores e autoras comezaron a achegarnos testemuños de primeira man que vistos en perspectiva, tamén nos axudan a comprender as novas que invaden os xornais a diario.

Sen dúbida, un dos referentes é Marjane Satrapi, cuxa obra Persépolis forma parte dos nosos bd_árabe01imprescindibles. Con quince anos ás súas costas, este cómic segue mantendo a súa actualidade: a autora emprega a propia experiencia vital para falar da situación política que viviu no Irán dos anos oitenta. Dende a caída do Sha até a definitiva partida cara Francia, a narrativa de Satrapi converte a súa obra nunha boa opción para comezar a indagar nos contextos da zona.

Pero a súa traxectoria é moito máis que Persépolis: con obras coma Pollo con ciruelas —na que aborda con sensibilidade a crise existencial dun home atrapado— ou Bordados, —onde recupera personaxes entrañables como o da súa avoa para tratar nun ton desenfadado a situación da muller iraní— fálannos doutras circunstancias apartadas do impacto da guerra.

Seguir lendo

Náufragos é a obra gañadora do IX Premio Fnac-Salamandra Graphic

Fnac-salamandra--Metrópoles DelirantesA obra ‘Náufragos’, de Laura Pérez e Pablo Monforte, é a gañadora do premio Fnac-Salamandra graphic, un dos mellor dotados economicamente do estado e dos máis concorridos, nesta edición presentáronse 152 proxectos.

O xurado, formado por Sigrid Kraus (Directora editorial de Ed. Salamandra), Víctor Moreno (Responsable de Acción Cultural de Fnac España), Pili Muñoz (Directora da Maison des Auteurs de Angoulema), Tereixa Constenla (xornalista de Cultura de El País) e Álvaro Pons (Crítico), decidiu outorgar por unanimidade o IX Premio Internacional de Novela Gráfica Fnac-Salamandra Graphic a Náufragos de Laura Pérez e Pablo Monforte pola “súa brillante reflexión sobre a memoria e o pasado, desenrolado dende unha narración de coidado grafismo de gran potencia poética”.

O premio está dotado con 10.000 euros e a publicación da obra por Salamandra Graphic en novembro de 2016.

O xurado fixo unha mención especial ao proxecto La sangre extraña de Sergi Puyol, “unha arriscada incursión na relación do onírico e o real”.

Comic Con Portugal 2015, Convidados e eventos de BD

comic con pt-Metrópoles DelirantesOs próximos dias 4, 5 e 6 de Dezembro celebra-se a Comic Con Portugal em Porto, a convenção de Cultura Pop em Portugal, que ainda que aborda uma grande variedade de temas, você terá uma boa representação da Banda desenhado. O evento será na Exponor e totalizam 45 mil metros quadrados de área de Exposição coberta.

Os horários son:

  • Dia 4/12 – Abertura – 12h30 Encerramento: 22h00
  • Dias 5 e 6/12 – Abertura – 10h00 Encerramento: 22h00

Os convidados de banda desenhada som:

Brian Azzarello – Vencedor do prestigiado Prêmio Eisner em 2011, argumentista de renome com uma longa colaboração com a DC Comics, principalmente com a sua label Vertigo. Reconhecido internacionalmente Pela obra 100 Balas, desenvolvida em parceria com Eduardo Risso. Presente nos dias 5 e 6 de Dezembro.

Eduardo Risso – Ilustrador argentino com obra reconhecida no mercado da Banda desenhada norte-americana. Colaborador regular da Dark Horse Comics e da DC Comics, Eduardo Risso é vencedor do Prêmio Eisner, em 2001, pelo seu trabalho conjunto com Brian Azzarello, 100 Balas. Presente em todos os dias do evento. Seguir lendo

Xornalistas baixo os focos das viñetas

Un dos intres que máis se recordan do filme Kill Bill de Tarantino é o monólogo de Carradine sobre Superman e a súa identidade secreta como visión crítica dos habitantes da Terra. Arriscándonos coa metáfora poderiamos dicir que o kriptoniano tamén sufriu de certo Síndrome de Estocolmo ao deixarse levar polo idealismo humano, escollendo o xornalismo coma traballo. E non só como un medio para obter información de primeira man senón tamén pola visión romántica da procura da verdade.metropoles01

Reporteiros, redactores, editores e demais membros do mundo da comunica
ción apareceron de xeito regular dende os inicios do cómic, sendo a ferramenta perfecta para achegarse á
realidade social, política ou, simplemente, empregalos como escusa para a aventura cara lugares exóticos.

Cada historia ten un prezo

A vida dun xornalista non é sinxela e aínda se complica máis se ten que salvar o mundo (ou Metrópolis / Nova York) cada día. Con máis de setenta anos ás costas, as historias de Superman, Lois e o resto da redacción do Daily Planet son un bo compendio do mellor e o peor da profesión, evolucionando dende a inocencia dos primeiros tempos até o cinismo do sensacionalismo, a procura do espectáculo en detrimento dos feitos e a chegada do xornalismo dixital. Seguir lendo