Arquivo por autores: Sr B

Palmarés do Festival de Angouleme 2019

Estes son os premiados na edición 2019 do festival da BD de Angouleme.

Fauve d’Or. Premio á mellor álbum 2018: Lo que más me gusta son los monstruos de Emil Ferris.

Monstres_Cover1

Premio Especial do xurado: Les Rigoles de Brecht Evens.

couv_100_p0 Seguir lendo

Advertisements

Rumiko Takahashi gaña o Grand Prix de Angouleme 2019

grand-prix-2019

Segunda mangaka en gañar este título, o anterior foi Katsuhiro Otomo no 2015. Rumiko Takahashi é elixida Grand Prix logo dunha votación que reuniu 1672 autores de debuxos animados. Cuarenta anos dunha carreira meteórica, máis de 200 millóns de copias vendidas en todo o mundo, entrou no Eisner Hall of Fame en 2018 … Rumiko Takahashi é hoxe recoñecida coma unha das principais autoras de BD do mundo.

III Festival da Arte da Ilustración “Allariz Debuxado”

allariz-ilustrado_03_baixa_1Os días 25 e 26 de xaneiro, Allariz acollerá a terceira edición do Festival da Arte da Ilustración “Allariz Debuxado”. Esta iniciativa desenvolvida conxuntamente pola editorial Aira, a escola Antonio Faílde de Ourense e Pablo Picasso da Coruña será un foro de participación de ilustradores, tanto profesionais coma afeccionados e nela participarán máis de cen alumnos e alumnas das escolas galegas.

Na programación atopamos palestras con ilustradores de recoñecido prestixio no sector como Javier Olivares; Miguel Ángel Giner e Cristina Durán, que presentarán as súas bandas deseñadas “Tercer día” e “Una posibilidad”. Un encontro cos editores de Kalandraka, Manuela Rodríguez e Xose Ballesteros, ensinarán aos participantes como presentar traballos ás editoriais. E tamén unha exposición que acollerá a Galería circular durante a fin de semana con traballos galardoados no Premio Compostela promovido pola propia Kalandraka. Seguir lendo

A Terna de nomeados para o Gran Premio de Angouleme 2019.

 

O nome gañador anunciarase o mércores 23 de xaneiro na cerimonia de apertura do festival.

nomeados-gp-angouleme2019

Rumiko Takahashi

Con corenta anos de carreira é sen dúbida unha das principais autoras do mundo da BD. Cara ao final do seu primeiro ano na universidade, ingresou no taller gekiga fundado polo gran escritor Kazuo Koike. En 1978 comeza a publicación de Urusei Yatsura logo virán éxitos como Maison Ikkoku e Ranma 1/2. As adaptacións animadas das súas series contribúen á súa popularidade máis aló das fronteiras de Xapón. Seguir lendo

As lecturas do SrB: Mi novio caballo

“Punk, puro punk.”

Capa_novio caballoXiomara Correa é unha autora asidua nos eventos de autoedición, porén Mi novio caballo leva anos circulando por estes en forma de fanzine. Aínda que sempre foi un deses tebeos de culto, as editoriais xeneralistas, temerosas elas de todo o que non sexa Tintín, aínda non se atreveran a dar o paso; por iso a decisión de Reservoir Books é das que hai que celebrar con profusión de sustancias, legais ou ilegais.

Coma ben anuncia o título, Xiomara cóntanos a historia de amor dunha parella formada por humana e equino. Nun universo totalmente psicodélico e colorido, Chavala e Caballo loitan a diario por alimentar o seu amor, coma calquera parella. Unha vez superado e normalizado o shock inicial da proposta, dá nunha lectura certamente divertida. Unha obra tola, rebosante de ledicia naif e de historias que conectan perfectamente co surrealismo daliniano que, de seguro, estaría encantado de tomar un té con pastas con Xiomara acompañados dun par de osos formigueiros. Seguir lendo

MiiC – Mostra Internacional de Ilustración Contemporánea

Do 4 de decembro até o 10 de marzo celebrarase a Miic18_metropoles, unha exposición colectiva que reúne un total de 19 proxectos ilustrados a través dos que compoñer unha fotografía do panorama actual na ilustración a nivel mundial. Con gran presenza de mulleres como a galega Lara Lars, ou a andaluza María Hesse, ata artistas de talla internacional como Christoph Niemann.

A mostra abrirá o martes 4 de decembro ás 19.00 h. cunha visita guiada a cargo da comisaria Matilde Rodríguez.

Máis de 200 pezas compoñen a exposición que artella  arredor de 19 proxectos ilustrados, 16 individuais e 3 colectivos, que poñen o foco nas creacións máis persoais das e dos artistas que se manifestan a través dunha das ramas da comunicación máis libres e creativas.

Esta mostra resalta, ademais, o importante papel da ilustración feita en Galicia. Lara LarsIria do Castelo ou Bea Lema son algunhas das artistas galegas escollidas para esta edición.