Arquivo por autores: Sr B

As lecturas do SrB: La deuda

“A traxedia do cómico sen gracia.”

Sin título-2La deuda é o último traballo publicado por Martín Romero, un autor menos mediático que outros da fértil BD galega mais non menos importante. Este home discreto, que medrou no mundo do fanzine, é autor dos excelentes Las fabulosas crónicas del ratón taciturno e Episodios Lunares.

Neste terceiro traballo asistimos a vida de Benjamín Castaño un cómico que atravesa un mal momento profesional e persoal. O seu único compañeiro de viaxe vital é un cobrador do frac co que tece unha relación estraña e involuntariamente obrigada. Só, sen traballo, desafiuzado, totalmente arruinado, a vida aínda lle reserva varios golpes. A morte dun ser querido e un obrigado retorno ao fogar familiar espertará vellos recordos e levará a Benjamín até o límite.  Seguir lendo

Advertisements

As lecturas do SrB: El día3

“Nin impredecíbel ni inevitábel”

11_Eldia3_1 copiaNesta primeira parte do século vinteún sublimou como a graxa na pota dos rixóns un xeito de facer política populista (e popular), que bebe directamente das fontes do neoliberalismo dos Chicago Boys. Políticas de desregulación e liberalización, de desprotección e precarización dos servizos públicos. Paradoxalmente tiveron moito éxito estre as clases populares e os traballadores do que nalgún momento puidemos chamar clase media. Desas lameiras viñeron moitas desgrazas, algunhas tan visíbeis coma as económicas, a crise, outras só visíbeis nas traxedias. O Yak 42, o tren Alvia de Compostela ou esta que hoxe nos ocupa, a do metro de Valencia. Seguir lendo

FunFunFun 2019

64454727_2468962513125754_5464686580910260224_o

Cartaz: Roberta Vázquez

O vindeiro sábado 22 celébrase na Escola Unitaria (Calzada de San Pedro, S/N) a IV Edición do Fun Fun Fun. Este evento reúne a creadores e artistas de diversas disciplinas ao redor da autoedición. Este ano terán protagonismo, amais da autoedición gráfica e do fanzinismo, outros eidos da creación coma o audiovisual.

As actividades comezarán ás 12 horas coa apertura do mercadiño, que estará aberto durante todo o día, e onde distintos autores, autoras e colectivos poderán expor e vender as súas  obras. Ao redor das 14 horas comezará a picada en Sesión Vermú do DJ Um Sincero. Ás 16:15 horas comezará a proxección das curtas de Lucía Estévez, Diego López e Xan Arellano, con coloquio posterior sobre o audiovisual cos tres participantes.

Ás 18 horas soará La Fiesta Madre, como prólogo á charla sobre crear na precariedade e asociacionismo con representantes dos colectivos 7H Cooperativa, Fritanga Records Metamovida que terá lugar ás 19 horas.

Para pechar as actividades celebraraseo tradicional Combate de Debuxantes no que oito loitadores e loitadoras da creatividade competirán entre si amosandoo seu talento e a súa axilidade mental.

Tódalas actividades son de balde.

As lecturas do SrB: O Tesouro de Lucio

“Ás veces a vontade dun só home pode facer tremer un imperio.”

Belatz, pseudonimo de Mikel Santos, asina con esta a primeira obra longa da súa carreira e abofé que o fai cunha obra interesante e ben resolta.

10_Lucio1O Tesouro de Lucio fai un percorrido pola vida e obra de Lucio Urtubia, revolucionario e loitador anarquista nado en Cascante (Nafarroa) no ano 1931, nunha familia republicana de humildes recursos. Na infancia, cortada polas baionetas da guerra civil, coñeceu e sofreu a dictadura represora que inzaba as gabias de mortos e fulminaba as esperanzas democráticas do pobo coa complicidade da franquía máis retrógrada, ignorante e inmisericordiosa da igrexa de Roma. A súa xuventude transcorreu nos anos duros do franquismo entre curas, falanxistas e señoritos na súa vila natal, até que marchou ao servizo militar no que foi descuberto facendo «expropiacións» do material militar. Fuxiu a Francia onde comezou unha vida de pai e traballador que compaxinou coa súa militancia e a súa loita anarquista e libertaria. Expropiou -é a expresión que el usa- bancos, distribueu propaganda, refuxiou a maquis e axudou a outros na loita anticapitalista. A presión policial e as continuas entradas e saídas da cadea non acobardaron a Lucio que dou o gran golpe da súa vida contra unha institución de vital importancia no sistema financeiro internacional da época. Lucio e os seus compañeiros deseñaron un sistema de cobro de cheques falsificados tan perfecto que o propio banco tremeu ante a importancia da acción. Seguir lendo

As lecturas do SrB: !Salud!

09_salud“…pola túa vida, non fales nunca de política…”

Antoine e Iria, un matrimonio formado por un francés e unha coruñesa deciden asentarse na cidade de cristal e abren un restaurante coa axuda da acomodada familia dela, ben relacionada. A ambición, o exotismo e a finura presuposta a alguén chegado das afastadas terras de Victor Hugo e Astérix no tempo da autarquía tardo-franquista aseguran o éxito do restaurante que comeza a funcionar a toda máquina. Antoine sen embargo axiña descobre a violencia do réxime, tanto a explicita, dunha policía que reprime con brutalidade, coma a menos evidente, a do control social. A este contexto de violencia e falla de democracia hai que sumarlle a querenza de Antoine, como ben anticipa o título, polo alcol. O resultado deste cóctel levarao a el, e porén a Iría, a unha situación límite. Seguir lendo

Festivais de Banda Desenhada en Portugal

combrabd
O Coimbra BD será de 7 a 10 de Março. Há cartaz (não oficial), e mesmo tem anunciado o primeiro autor convidado: Étienne Schréder (O Segredo de Coimbra, Blake & Mortimer).
O XV Festival Internacional de BD de Beja vai acontecer entre 31 de Maio e 16 de Junho.
Comic Con Portugal 2019 está marcada para 12 a 15 de Setembro.
O Festival Amadora BD que este ano se prepara para comemorar a sua 30ª edição, será para Outubro.

XV Festival Internacional de Banda Desenhada de Beja

metropoles-delirantes-bedeteca_bejaO Festival Internacional de Banda Desenhada de Beja, organizado pelo município, realiza-se este ano entre os dias 31 de maio e 16 de junho e a organização ten divulgado já o nome das exposições e a lista dos autores que irão estar presentes na edição de 2019.

A organização promete divulgar em breve a programação paralela (apresentação de projetos, concertos desenhados, conferências, lançamentos, sessões de autógrafos, etc.). Seguir lendo